Matiu 26:3 - Buka Blahi Ka Cheke Holo

³ Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Matiu 26:3 Iomraidhean Croise

Nodi Khoje Hatimare Mae Jiu 56:6

Mare salo fodu ka vido te mala poru na, eghuteuna filo tutu ka vido aheva te tei iara na mala falehe ghau iara.

Profet Jeremaea 11:19

Iara theome laseni gaoghatho te diꞌa te eni mare ranghi ghau iara igne! Iara jateula sipu ikoi te atha te tei mare te mala falelehe ia eghu kolho. Mare roghe ne cheke eghu, “Mei ghotilo mala falehe tahati mae igne, mala jateula gaju te kato soru te goigoni fuꞌagna ra eghu. Tahati na faleheni mae igne mala theo kaisei naikno teke ghathoni mana na.” Aonu mana ne cheke eghu,

Profet Jeremaea 17:27

Nu jame te theome leghu ghau nei tiromi tajini teu ghotilo narane Sabat te blahi igne na, eghuteuna jame te pala ghotilo glepo te tahu te ruma Jerusalem ka narane igne na, iara ginauna kuru mei kaisei khaꞌaghi biꞌo mala gnhubra namono biꞌo Jerusalem baludi grengatha biꞌo nei vido mala poru, eghuteuna ginauna na theo kaisei naikno nate faleheni khaꞌaghi igne na.’ ”

Matiu 26:69

Kate gnokro teu mae Pita ka glalabagna suga na, kaisei gaꞌase te loku ka mae pris biꞌo na mei ne cheke eghu ka mana, “Iagho kaisei mae balugna la mae Jisas gna Galili.”

Matiu 27:27

Nogna soldia mae Paelat igre hatani mae Jisas ne tei ka sugagna mae gavana. Aonu hatimare mae soldia igre ne kafe mei kegra faligohoni mae Jisas.

Nonomho Te Keli Teke Risoi Mae Mak 14:54

Mae Pita thoghei ne tei ke leghudi mare ne tei ruma ka glalabagna suga biꞌo mae pris biꞌo na. Mana gnokro jare baludi mae greireghi re peha neu ka khaꞌaghi na.

Nonomho Te Keli Teke Risoi Mae Mak 14:66

Mae Pita gnokro neu pari ka glalabagna suga na. Eghuteuna kaisei gaꞌase te loku ka mae pris biꞌo na ne mei.

Nonomho Te Keli Teke Risoi Mae Mak 15:16

Nogna soldia mae Paelat igre hatani mae Jisas ne tei ka glalabagna suga biꞌo mae Paelat na. Mare ne kafe kilo fodudi tothoghei mae soldia te gnafare.

Luku 22:55

Hatimare mae soldiare ne eni kaisei khaꞌaghi ke kosi ka glalabagna suga na. Aonu mae Pita gnokro peha neu baludi mare.

Luku 3:2

Eghuteuna mae Anas ghe mae Kaefas gre teke nodi mae pris biꞌo hatimare mae Jiu. Uve, kau narane tuana God neke cheke ka mae Jone thugna mae Sekaraea kate au teu mana ke lamnagna namono nagou na.

Jone 11:57

Nu mae pris ulu nei mae Farasi teu gre ne kulu lilisei cheke igne ranghidi naiknore eigna mae Jisas. “Ihei te laseni aheva te au teu mae Jisas na chekeni ka ghehati eghu.” Mare ne cheke eghu, naugna mare ne magnahaghei te lokini mae Jisas.

Jone 18:24

Ka vido tuana mae Anas neke kuru teini mae Jisas ka mae Kaefas mae pris biꞌo na. Mare ne theome rurutha phia khamegna mana re.

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.