Matiu 26:2 - Buka Blahi Ka Cheke Holo

² “Ghotilo lasenihi, nauriha na narane Gaghamu Ghasa-Polho. Ka narane tuana mae te majora ghau iara na ginauna snakre lao ghau iara ka khamedi nogu naoka iara re mala tupijuru ghau iara ka gaju fafatha.”

Matiu 26:2 Iomraidhean Croise

Eksodas 34:25

“Kate aknu falehe ghotilo kaisei buluka ba sipu mala fafara mei ka iara teuna, ghotilo jaola thosei atha mei bret te au isi tagna na. Eghuteuna kate aknu falehe ghotilo kaisei buluka ba sipu malagna Gaghamu Ghasa-Polho na, ghotilo thosei tathaji kaisei vido nafnahi gna mala au ghilei thoke hamerane.

Matiu 10:4

mae Simon, mae te kiloi Silote, naugna mana kaisei mae ka tothoghei te magnahaghei khidi mae di Rom; nei mae Judas Iskariot. Mae Judas gne mae ihei te snakreni mae Jisas ka khamedi nogna naokare.

Matiu 17:22

Ke leghugna igne, hatimare mae fanomhore ne kafe khapru ka kaisei vido jare Galili. Aonu, mae Jisas ne cheke eghu ka mare, “Iara mae teke mei funu ka God gne mare ginauna snakre lao ghau iara ka khamedi naiknore mala falehe ghau iara.

Matiu 27:4

Mae Judas ne cheke eghu ka mare, “Iara la jafrahi, naugna iara ne majorani mae te theo kaisei nakhibogna na ka glehe.” Mare ne cheke eghu ka mana, “Tuana nou puhi iagho themu kolho, theome nomi puhi ghehati.”

Luku 22:15

Mana ne cheke eghu ka mare, “Iara magnahaghei fara te ima fodu balumi ghotilo u Gaghamu Ghasa-Polho igne ame au papara nga iara me lehe eghu.

Jone 11:55

Ka vido tuana, nodi narane biꞌo mae Jiu te mala eni gna Gaghamu Ghasa-Polho na la namohi. Eghuteuna kmana naikno mei Jerusalem funudi ka namono te au namo teu jare, te mala kulu gae ke ulugna God ame thoke mei nga narane gaghamu na.

Jone 12:1

Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Jone 18:2

Aonu, mae Judas laseni vido tuana, naugna kmana fata mae Jisas tei koba jare baludi nogna mae fanomhore. Mae Judas gne kaisei mae te magnahaghei majorani Jisas.

Jone 18:32

Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.

Jone 2:13

Aonu, mae Jisas ne haghe Jerusalem. Naugna nodi narane Gaghamu Ghasa-Polho mae Jiure la namohi.