Matiu 24:3 - Buka Blahi Ka Cheke Holo

³ Kate gnokro mae Jisas ka Thogele Gaju Olivi, hatimare mae fanomhore mei ne ghusna poru eghu ka mana, “Ghema, niha nau thoke meidire glepo igrea? Eghuteuna unha nafnata fagaglana narane mala ke pulo meimu nei narane mala huigna teu nauthoglu igne?”

Matiu 24:3 Iomraidhean Croise

Matiu 13:36

Mae Jisas jifla kokoni nakhapru na ne tei ruma ka suga na. Nogna mae fanomho mana re mei ne cheke eghu ka mana, “Ghema, rurutha ranghi ghami gaoghathogna cheke naba eigna sokiaro ka nagare na igne.”

Matiu 13:49

Ginauna na jateula igne eghu ka narane leghu lahu gna nauthoglu igne. Engel nogna God re ginauna mei mala vavahi fadelei naikno te diꞌare ka naikno te kelire ke ulugna God.

Matiu 15:12

Aonu, nogna mae fanomhore mei rhegna mana ne cheke eghu, “Ghema, mae Farasi gre ne diꞌa tadi ka unha te chekedi iagho ra.”

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Matiu 17:19

Ke leghugna igne, hatimare mae fanomhore megei nga ne mei ka mae Jisas ne ghusna eghu ka mana, “Naugna unha site theome tangomana ghami ghehati te brueni naitu ignea?”

Matiu 21:1

Mae Jisas baludi nogna mae fanomhore ne tei namo Jerusalem. Nu ulu lahu na, mare ne snoto ka namono ka thogele te kiloi Thogele Gaju Olivi. Funu jare mae Jisas ne kurudi phei nogna mae fanomhore mala tei ka namono na.

Matiu 24:27

Kate meigu iara mae teke mei funu ka God na, naikno kmana ginauna filo ghau iara. Meigu iara ginauna jateula nakafli te kafli ka maloa na ia eghu. Eghuteuna naiknore ginauna tangomana te filoni heva heva.

Matiu 24:30

“Ka narane tuana, fagaglana gna meigu iara na ginauna thakle mei ka maloa na. Eghuteuna naikno heva heva kau nauthoglu igne na kafe orio tanhi balu mhaghu. Eghuteuna mare ginauna filo ghau iara na soru mei ke kligna grokho balu nolaghi nei nafnakno te biꞌo.

Matiu 24:37

Kate mei iara na, ginauna jateula teke eni ka narane gna mae Noa tifa ia eghu.

Matiu 24:39

Eghuteuna mare theome laseni kaisei glepo nate thoke mei ginauna. Aonu nabritha biꞌo na ne mei. Eghuteuna naiknore ne kafe knoho fahui. Ginauna na jateula tuana eghu ka narane meigu iara na.

Matiu 24:43

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli nei theome snakreni nogna suga na mala ruma mana.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Luku 21:7

Mae fanomhore ne ghusna eghu ka mae Jisas, “Velepuhi, niha nau thoke meidire glepo igrea? Unha nafnata fagaglana nate edi te mala laseni ghehati glepo igre la namo meihi teuna?”

Mae Khuru 1:7

Mae Jisas ne cheke eghu ka mare, “Theome nomi ghotilo te mala laseni u narane ba u nhigra teke nhaꞌa soru mae Mama kau nogna nolaghi thegna na.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.