Matiu 24:1 - Buka Blahi Ka Cheke Holo

¹ Mae Jisas jifla ka Sugablahi na nolo ne tei. Aonu nogna mae fanomhore mei ne falalase ka mana bukrei suga biꞌo te au ke lamnagna vido te au Sugablahi na.

Matiu 24:1 Iomraidhean Croise

Profet Jeremaea 51:61

Mae Jeremaea neke cheke eghu, “Ghema Seraea, kate tei thoke iagho Babilonia na, iara magnahaghei nigho iagho te iu'iju soru ka naiknore, cheke te gnafa te au ka pepa brahu na igre.

Profet Jeremaea 6:8

Ghotilo naiknomi Jerusalem! Ghotilo fanomho mei ka nogu cheke iara igne! Na eghunu tei koko ghami iara eghu, eghuteuna nomi namono ghotilo igne ginauna krogha jateula namono nagou ra eghu na theo kaisei naikno te au tagna na.”

Profet Esikiel 8:6

Aonu mana ne cheke eghu ka iara, “Maegna ka nauthoglu. Ba, iagho la filodi unha te edi naiknodi Israel igre? Mare edi glepo te thono diꞌa fara re. Iara ginauna jifla kokoni nogu Sugablahi igne mala tei fakhaba tagna! Uve, iagho ginauna filodiu glepo te thono diꞌa fara salaꞌudi glepo te diꞌa igre!”

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Matiu 23:39

Te chekeni iara ka ghotilo na, ghotilo ginauna theome filo ghau iara ghilei thokeni narane te mala meigu iara na eghuteuna ghotilo na kafe cheke eghu, ‘God fablahini mana te mei ka nanghagna Lord!’ ”

Jone 2:20

Mae biꞌodi mae Jiu re ne cheke eghu ka mana, “Ghema, tangomana nigho ngau sagho te loku kolho thilo narane na suga ignea? Phiatutu namno finogha si mare teke loku gna na Sugablahi ignea!”