Matiu 23:3 - Buka Blahi Ka Cheke Holo

³ Eghume ghotilo mala famane leghudi unha te chekedi mare ka ghotilo re. Nu thosei leghudi ghotilo puhidi mare re eghu. Naugna mare thedi na theome leghudi kolho unha te farirhiudi ka ghotilo igre.

Matiu 23:3 Iomraidhean Croise

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Eksodas 18:23

Glepo te chekeni iara ka iagho igne ngala unha te magnahagheni God mala eni iagho teku na. Jame te leghuni iagho unha te chekeni iara ka iagho igne na, u gloku igne ginau na theome tangomana te fababaꞌoni thinimu iagho na. Eghuteuna naikno igre ginau na ke pulo ka sugadire balu gleale'a ke leghugna tela fadoglini hila ghotilo u puhi fapholai teke eni mare na eghu.”

Matiu 21:30

“Aonu mae kmagna na tei ne cheke eghu ka fapea thugna na, ‘Thuguo, gognarona iagho tei mala loku ka nogu nagare iara ia.’ Mae thugna na ne cheke eghu ka mae kmagna na, ‘Uve mama, iara na tei loku,’ nu mana ne theome tei loku.

Matiu 23:2

“Mae velepuhi nei mae Farasi teugre, mare au nodi nolaghi te mala ruruthani ka ghotilo gaoghathogna nogna vetula mae Moses.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Mae Khuru 5:29

Nu mae Pita nei keha mae khurure ne cheke eghu ka mare, “Ghehati magnahaghei fara te leghuni chekegna God na, theome mala leghuni chekegna naikno na.

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Diutronomi 4:5

“Iara la farirhiu ghamihi ghotilo cheke nei vetula teu igre leghuni unha teke cheke ranghi ghau noda Lord God. Iara eni igne mala leghudi ghotilo vetula igre kate au teu ghotilo ka glose te hata ghotilo re.

Diutronomi 5:27

Tei sagho themu mala fanomho fakeli ka unha te chekeni Lord na. Aonu, iagho ginauna tangomana te mei toutonu ka ghehati gobigna lepo teke chekedi Lord, noda God. Eghuteuna ghehati ginauna tangomana te nomhidi nei leghudi.’

Fapea Timoti 3:5

Mare ginauna tei tarai koba ka suga tharai, nu mare na theome magnahagheni nogna nolaghi God na te mala funei frunini nakarhadire. Iagho au fadelei ka nafnata naikno tuare.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.