Matiu 23:2 - Buka Blahi Ka Cheke Holo

² “Mae velepuhi nei mae Farasi teugre, mare au nodi nolaghi te mala ruruthani ka ghotilo gaoghathogna nogna vetula mae Moses.

Matiu 23:2 Iomraidhean Croise

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Matiu 23:3

Eghume ghotilo mala famane leghudi unha te chekedi mare ka ghotilo re. Nu thosei leghudi ghotilo puhidi mare re eghu. Naugna mare thedi na theome leghudi kolho unha te farirhiudi ka ghotilo igre.

Nonomho Te Keli Teke Risoi Mae Mak 12:38

Ka narane te farirhiudi mae Jisas naiknore, mana ne cheke eghu, “Fiofilo ghami ghotilo ia ka mae velepuhidi vetula gre, glahula keli mare eghu ghotilo gaoghathomi na. Naugna mare magnahaghei te nolo tafri balu nodi phoko blahi ke uludi naiknore. Eghuteuna mare magnahaghedi naiknore te ghatho tahudi kate thafodi ka glalabare.

Luku 20:46

“Fiofilo ghami ghotilo ia ka mae velepuhidi vetula gre, glahula ne keli mare eghu ghotilo gaoghathomi na. Naugna mare magnahaghei te nolo tafri balu nodi phoko blahi ke uludi naiknore. Eghuteuna mare magnahaghedi naiknore te ghatho tahudi kate thafodi ka glalabare. Mare tei ka suga tharai ba ka gaghamu biꞌo, mare magnahaghei te gnokro ka sape nafnakno koba.

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.