Matiu 21:3 - Buka Blahi Ka Cheke Holo

³ Jame kaisei naikno chekeni unha te eni ghopa na, ghopa cheke eghu, ‘Lord ne magnahaghedi’. Mana ginauna ghosei nake kuru meidi.”

Matiu 21:3 Iomraidhean Croise

Ululahu Kings 17:9

“Iagho tei au ka namono biꞌo Sarefat rhegna Saedon, kaisei glehe kokoi au ka namono biꞌo tuana. Iara la chekehi ka naꞌa te mala togho nigho ka gano na.”

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Esra 1:5

Ka narane tuare, Lord ne loku ka gaoghathodi naikno kmana mala ke figri ke babana nogna Sugablahi mana na. Aonu phaꞌu maedi vikegna Juda nei vikegna Benjamin, nei hatimare mae pris nei hatimare mae Livaet teu igre, mare tarabana mala ke figri Jerusalem.

Esra 7:27

Aonu Pris Esra ne cheke eghu, “Tahati cheke fakelini Lord nodi God kuꞌeda tifa ra! Mana loku ka gaoghathogna king, mala ghatho tahuni king nogna Sugablahi Lord Jerusalem.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Matiu 21:2

Mana ne cheke eghu ka phiamare, “Tei ka namono te filo laoni ke ulu ana. Kate posa ka namono na, ghopa na filoni kaisei dongki reri teu mare jare balugna thugna na. Rurutha hata mei ka iara agne.

Matiu 21:4

Igne ne horoghoto fara ka gaoghathogna unha teke chekeni mae profet tifa ia,

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Mae Khuru 17:25

God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Fapea Korin 8:16

Ghehati tegio ka God naugna mana ne snakreni mae Taetus u nagnafa namha jateula ghehati teu te togho ghami ghotilo.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Ululahu Samuel 10:26

Eghuteuna King Sol neke figri Gibea, eghuteuna keha mae nheta mala magra langau eghu ne tei balugna mana, naugna God magnahaghedi naiknore te ghatho tahuni King Sol.