Matiu 20:2 - Buka Blahi Ka Cheke Holo

² Mana magnahaghei folidi nogna mae glokure kaisei sileni te gijadi mare kaisei narane. Aonu mana kuru teidi mare mala loku ka nogna nagare na.

Matiu 20:2 Iomraidhean Croise

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Matiu 18:28

“Nu kate jifla te tei na, mana ne ludeni kaisei mae kheragna gloku teke kaoni ka mana keha gobi dola. Mana ne lao sarakini mae kheragna tuana ne loku ka graragna na ne cheke faheta eghu, ‘Ke tughu fapulo ka iara unha teke kaoni iagho ka iara ra!’

Matiu 20:1

“Narane God te funei frunidi nogna naiknore jateula te eni ka thoutonu igne eghu. Kaisei fata, mae te khotogna nagare na jifla hamerane boibongi mala hata keha naikno mala tei loku ka nogna nagare na.

Matiu 20:13

“Mae khoto nagare na ne cheke eghu ka kaisei mae gloku, ‘Ghema kheraguo, iara theome chaghi nigho. Iagho neke magnahaghei loku kaisei narane malagna kaisei sileni kolho.

Matiu 20:3

“Ke jaola tanhi nhevai, mana jifla ne tei filodi keha mae te fiti au tafri teu ka vido mala maket na.

Matiu 20:9

“Mae gloku teke tei funu loku tanhi glimai ra mei ne hata nodi tabare. Mare ne sopa hata kaisei sileni kolho.

Matiu 22:19

Falalase ka iara sileni te mala foli takis tuana.” Mare hata ne mei ka mana kaisei sileni.

Matiu 9:37

Aonu mana ne cheke eghu ka nogna mae fanomhore, “Naikno igre jateula gano te au ka nagare tela ghanohi ra eghu. Nu theome kmana naikno te mala toghodi mare te mala fatutuani ghau iara na.

Nonomho Te Keli Teke Risoi Mae Mak 12:15

Nu mae Jisas ne laseni unha mae igre te magnahaghei saosagro na. Mana ne cheke eghu ka mare, “Naugna unha site magnahaghei saosagro ghau iara ghotilo gnea? Hata mei sileni na mala filoni iara.”

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 10:35

Ka keha narane na mae gna Samaria igne ne hata fajifla keha sileni ne tusu lao ka mae te khotogna binaboli na ne cheke eghu, ‘Reireghi fakelini mae igne. Niha sileni te koko iagho ka mae igne na, iara ginauna nake tughu fapulo ka iagho kate ke pulo mei iara na.’ ”

Luku 20:24

“Hata mei kaisei sileni.” Hatimare ne tusu lao ka mae Jisas kaisei sileni. Mae Jisas ne cheke eghu, “Thotoghale gna nei u nanghagna eghu mae ihei te filodi ghotilo ka sileni na igre?” Mare ne cheke eghu ka mana, “Mae Sisa.”

Fapea Timoti 3:15

Jaola, vuha suamu te mei na, iagho lasedihi u grioriso te blahi igre. Eghuteuna farirhiu igre tangomana te tusu ranghi nigho gaoghatho te keli nei batu nigho kau nakarha te keli naugna iagho ne fatutuani ni mae Jisas Kraes.

Thakle 6:6

Aonu iara ne nomhini kaisei naogla farihoteidi fati glepo te karha igre ne cheke eghu, “Naiknore ginauna foli katha gano ikoi ka sileni te biꞌo fara! Thosei goigoni nodi oel nei waen teu mare re!”

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Ululahu Samuel 3:1

Mae sua Samuel igne ne toghoni mae Eli mala eni nogna gloku Lord na. Ka narane tuare, theome kmana mae kolho teke tusu lao nogna cheke na ka mare. Eghuteuna mana neke theome fakakhana kaisei mifi ka mare.

Ululahu Samuel 3:21

Eghuteuna leuleghu fata na Lord tangomana te mei ka mae Samuel Saelo, te cheke ka mana na.