Matiu 2:9 - Buka Blahi Ka Cheke Holo

⁹ Ke leghugna te nomhidi nogna cheke mae King igre, mare jifla ne tei. Eghuteuna u nathunu teke filoni mare na ne tei ke uludi mare te ghilei snoto ke kligna gna u suga te thuru teu sua na.

Matiu 2:9 Iomraidhean Croise

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Matiu 2:10

Kate filoni mare u nathunu igne, mare ne kafe keli tadi fara balu gleale'a.

Matiu 2:2

Mare ne ghusna eghu, “Ne karha aheva si mae sua nalhaꞌu te mala nomi mae King ghotilo mae Jiu grea? Ghehati ne filoni nogna nathunu mana te haghe ke maghati. Eghume, ghehati mei mala pogho soru ranghini mana.”

Matiu 2:8

Aonu mana ne fariuriu chaghidi mare ne cheke eghu, “Tei ghotilo mala hiro fakelini mae sua na. Eghuteuna kate filoni deni ghotilo na, ke mei fanomhi ghau iara eghu, mala tei iara pogho soru ranghini mana.”

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.