Matiu 2:7 - Buka Blahi Ka Cheke Holo

⁷ Ke leghugna igne mae Herod ne kilo fodudi mae phosa teke mei funudi ke maghatire ne faidu poru baludi mare, mala lase fakelini ka mare u thofno narane teke thaklegna u nathunu na.

Matiu 2:7 Iomraidhean Croise

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Eksodas 1:10

Tahati na hironi kaisei puhi mala fakhusudi mare, glahu goigoni ghita mare. Jame te eghu tahati na, kate thoke mei magra na, mare ginauna loku fodu baludi noda naoka tahati gre mala magra ka tahati eghuteuna mare ginauna ulu ghita, eghuteuna mare ginauna nake khotogna noda namono tahati igne.”

Naba 24:17

“Iara la filonihi unha nate thoke mei ginauna. Kaisei nathunu biꞌo ginauna jifla mei ka vikegna mae Jekob. Uve, kaisei king ginauna funu mei gna Israel. Mana ginauna mei fanoinoli phaꞌudi mae lidadi Moab re, eghuteuna mana ginauna mei goigonidi mae mala magra re.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Matiu 2:8

Aonu mana ne fariuriu chaghidi mare ne cheke eghu, “Tei ghotilo mala hiro fakelini mae sua na. Eghuteuna kate filoni deni ghotilo na, ke mei fanomhi ghau iara eghu, mala tei iara pogho soru ranghini mana.”

Mae Khuru 24:22

Mae Gavana Filiks kulu laseni fara eigna nogna puhi mae Jisas gne. Aonu mana ne fahuhui fate na ne cheke eghu, “Kate mei mae funei biꞌo Lisias na, iara ginauna cheke tughuni nomi puhi ghotilo gne.”

Thakle 12:15

Aonu pholi biꞌo na ne lu'a fajifla khoꞌu ka foflogna na, ne britha jateula khoꞌu biꞌo neu ke leghugna gaꞌase na mala elo naꞌa.

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”