Matiu 2:4 - Buka Blahi Ka Cheke Holo

⁴ Mae Herod ne kiloni kaisei faidu maladi mae pris ulu nei mae velepuhigna vetula nogna mae Moses. Mana ne ghusna eghu ka mare, “Mala karha aheva neku si mae Kraes naia?”

Matiu 2:4 Iomraidhean Croise

Fapea Kronikols 34:13

mare te bosidi mae gloku ka soasopaigna nafnata gloku. Eghuteuna keha mae re mala rioriso soru ka buka eidi gloku igre. Eghuteuna keha re mala reireghi grengathagna Sugablahi na.

Fapea Kronikols 34:15

Aonu mana ne cheke eghu ka sekretri Safan, “Iara la filo deni nogna Buka Vetula Lord ia agne ke lamnagna nogna Sugablahi Lord igne!” Eghuteuna mae Hilkaea ne tusu lao buka igne ka mae Safan.

Fapea Kronikols 36:14

Eghuteuna keha glepo na, nodi lida mae pris nei naiknore teu igre, mare leghuni puhidi naiknodi keha kantri te au faligohodi mare ra. Mare tarai nei tufru soru eghu ka keha god delei, eghuteuna mare goigoni nogna Sugablahi Lord teke fablahi mana Jerusalem.

Esra 10:5

Aonu mae Esra kegra haghe ne cheke faheta ka phaꞌu maedi hatimare mae pris nei mae Livaet nei hatimare mae biꞌodi Israel mala eni kaisei nhaꞌa cheke ka God, jateula unha teke chekeni mae Sekanaea ia eghu.

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Nehemaea 12:7

mae Salu, mae Amok, mae Hilkaea, nei mae Jedaea. Mae igre nodi lida hatimare mae pris ka narane mae Jesua teke mae pris biꞌo na.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Profet Jeremaea 8:8

“ ‘Theome doglo te cheke eghu ghotilo na, “Ghehati lalase, naugna ghehati laseni fara nogna vetula Lord na.” Filo si ghotilo! Neubane mae velepuhidi vetula igre, mare chaichaghi kolho ke tuthughu nogna vetula God na.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Matiu 13:52

Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Matiu 2:3

Kate nomhini mae King Herod eigna nodi King majaghani mae Jiu gne, mae King Herod ne diꞌanagnafa fara, nei jaola ngau iheire te gnafa te au ka namono Jerusalem.

Matiu 2:5

Mare ne cheke eghu ka mae King Herod, “Ka namono Betlehem, ka Provins Judia.” Naugna aigne unha teke risoni mae profet Maeka tifa na,

Matiu 21:15

Hatimare mae pris ulu nei hatimare mae velepuhigna vetula nogna mae Moses ne diꞌa tadi fara ka mae Jisas. Naugna mare ne filodi gloku te nolaghi te edi mana re, nei nomhidi goro sua te thauthagru eghu ka glalabagna Sugablahi na, “Kilo fnaknoni vikegna King Devet!”

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Matiu 7:29

Naugna mana theome nanaba ka nodi farirhiu hatimare mae velepuhigna vetula nogna mae Moses. Nu mana ne farirhiu balu nolaghi.

Nonomho Te Keli Teke Risoi Mae Mak 8:31

Aonu mae Jisas ne funu farirhiudi nogna mae fanomhore ne cheke eghu ka mare, “Iara mae teke mei funu ka God na, mare ginauna na para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Luku 20:19

Hatimare mae velepuhigna vetula nogna mae Moses nei hatimare mae pris ulu teu igre laseni nogna cheke mae Jisas igne khogla chekedi kolho mare. Aonu, mare hiro phoge mala ghosei lokini mae Jisas. Nu mare mhaghuni unha nate eni naiknore.

Luku 23:10

Hatimare mae pris ulu nei hatimare mae velepuhigna vetula nogna mae Moses eghu re kegra neu jare. Mare cheke lao kmana nafnata cheke te diꞌa eigna mae Jisas.

Jone 18:3

Mae Judas ne batuni kaisei tothoghei mae soldia ne tei ka nagare na. Eghuteuna, mana ne hata langau balugna keha mae soldia teke kukhuru mae pris ulu nei hatimare mae Farasi. Mare ne atha juta, nei juta jeklo ba phoposa, nei keha glepo mala magra eghu baludi.

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Jone 8:3

Hatimare mae velepuhigna vetula nogna mae Moses nei keha mae Farasi eghu hata ne mei kaisei gaꞌase teke tolaghi pedo. Aonu, mare ne fakegrani naꞌa ke uludi naiknore.

Mae Khuru 23:9

Aonu kaisei nafnaja biꞌo ne eni farihoteidi phei tothoghei igre. Keha mae velepuhigna vetula nogna mae Moses ka mae Farasi gre kegra haghe ne cheke eghu faheta, “Ghehati theome filoni kaisei najafra ka mae igne! Glahula me kaisei engel ba kaisei tharunga teke facheke mei ka mana na!”

Mae Khuru 4:5

Ka keha narane na mae funeidi hatimare mae Jiu, hatimare mae biꞌo, nei hatimare mae velepuhi gna vetulare eghu ne faidu ka namono Jerusalem.

Mae Khuru 6:12

Ka puhi igne, keha naiknore baludi mae biꞌodi hatimare mae Jiu nei hatimare mae velepuhigna vetula nogna mae Moses eghu ne thono diꞌa tadi fara ka mae Stivin. Mare mei ne lokini mae Stivin hatani mana ne tei ke uludi mae mala fate mala fateni mana.