Matiu 2:16 - Buka Blahi Ka Cheke Holo

¹⁶ Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Matiu 2:16 Iomraidhean Croise

Jenesis 39:14

naꞌa ne ehadi mae glokure ne cheke eghu, “Filo si ghotilo! Khetogu iara gne ne hata ne mei maegna Hibru gne ka noda suga gne la famamaja ghita tahati gognaro na. Mana neke mei ka nogu chogho iara gne ne tore ghau iara mala thuru balugna neu. Nu iara ne eha fabiꞌo fara.

Jenesis 39:17

Eghuteuna naꞌa ne toutonu ka khetogna na u nafnata thoutonu tuare la. Naꞌa ne cheke eghu ka mana, “Maegna Hibru teke hata mei iagho mala loku teku igne ne mei ka nogu chogho iara na ne magnahaghei eni puhi te diꞌa na ka iara.

Jenesis 49:7

Puhi te diꞌatami fabrahu ghopa igne ngala te fadiꞌadi nagnafami ghopa re, eghuteuna diꞌatami ghopa igre e rheta fara nei diꞌa fara eghu. Iara ginauna na eni ghami ghopa mala fiti au tafri kolho ghopa baludi naikno di Israel igre.

Fapea Kings 8:12

Eghuteuna mae Hasael ne ghusna eghu, “Mae biꞌo, naugna unha site tanhi iagho gnea?” Mae Elisa ne cheke eghu, “Naugna iara laseni unha nate eni iagho ka ghehati agne Israel. Iagho ginauna gnubra nomi vido mala poru ghehati gre. Eghuteuna iagho ginauna aknu falehe nomi famane mae majaghani gre ka magra, eghuteuna iagho ginauna fada ruaruja sua gegeꞌe gre ka thina. Eghuteuna goro gaꞌase te bukla gre iagho ginauna vahe thiꞌadire.”

Thoutonu Eigna Mae Job 12:4

“Neuba iara ne tarai ka God ne cheke tughu mana ka iara, iara jateula kaisei mae kheragna manare maꞌeni mana. Uve, neuba iara ne doglo nei keli neu, mare maꞌe fadiꞌa ghau iara.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Proveb 28:17

Thosei toghoni ihei te nabagna te mala au papara na, naugna mana neke falehe naikno. Mana ginauna na theome au snoto ghilei lehe.

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Profet Isaia 59:7

Leuleghu fata na, ghotilo magnahaghei fara te ghosei te eni puhi te diꞌa na. Eghuteuna ghotilo diꞌatami faleheni ihei te theome eni kaisei puhi te diꞌa na. Gaoghathomi ghotilo igre thofno diꞌa fabrahu, eghuteuna puhi te mala goigonidi nakarhadi keha naiknore igne jateula nomi nabrou biꞌo eghu ghotilo.

Profet Daniel 3:13

Kate nomhini King Nebukadnesa cheke igne, mana ne thofno diꞌatagna fara ne cheke faheta fara ka mare mala hata tei thilo mae igre ka mana. Aonu mare hata ne tei thilo mae igre ka king.

Profet Hosia 10:14

Eghuteuna mae naokare ginauna mei goigoni nomi namono biꞌo ghotilo te bara te maku igre. Uve, goigoni nate eni mare igne na jateula teke eni king Salman teke groꞌe namono biꞌo Bet-Abel tifa ia eghu. Ka magra igne mare neke goigonidi fara goro gaꞌase nei thudi teure neke koko tafri ka namono na.

Naba 22:29

Nu mae Balam ne cheke eghu ka dongki na, “Naugna iagho te faꞌeiꞌei fara ka iara gne! Jame loku naflahi iara ka khamegu na meuna, iara jame falehe nigho iagho gognaro la!”

Naba 24:10

Aonu mae Balak ne diꞌatagna fara ka mae Balam. Mana ne proprosa phea khamegnare ne cheke eghu fabiꞌo ka mana, “Iara tathalei mei nigho iagho agne mala tibridi iagho nogu mae naoka gre neku sia! Nu theo kolho neu! Iagho ke thilo fata fablahidi kolho mare!

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Matiu 2:17

Igne ne thofno horoghoto ka unha teke chekeni mae profet Jeremaea tifa ia,

Matiu 2:7

Ke leghugna igne mae Herod ne kilo fodudi mae phosa teke mei funudi ke maghatire ne faidu poru baludi mare, mala lase fakelini ka mare u thofno narane teke thaklegna u nathunu na.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Jajis 16:10

Ke leghu, Delila ne cheke eghu, “Iagho thofno chaghi ghau iara eghuteuna iagho filo ghau iara jateula kaisei naikno fameomekro eghu! Chekeni ka iara unha glepo te tutuani na. Jame kaisei mae magnahaghei haru nigho iagho, unha nate eni mana na?”