Matiu 2:11 - Buka Blahi Ka Cheke Holo

¹¹ Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Matiu 2:11 Iomraidhean Croise

Jenesis 43:11

Aonu mae Jekop mae kmadi mare na ne cheke eghu ka mare, “Jame te eghu na, ghotilo na eghu agne. Hohono fafodu ka nomi gloi are keha gano te ulu fara ka namonoda tahati gne mala hata tei e namha ka mae funei na. Keha meresin, keha jurukuli, keha mur nei phei nafnata sitha te kiloni mare pistasio nei almond eghu.

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Ululahu Kings 10:2

Naꞌa ne posa mei Jerusalem balugna kmana naikno nei kamel te fodu ka glepo te famane sisiri kelidi, famane thina, nei kmana gol. Kate mei te filoni mae Solomon na, naꞌa ne ghusna ka mana.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 45:8

Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Nodi Khoje Hatimare Mae Jiu 72:15

God, tusu lao fabrahu nakarha te keli ka mae king. Te keli na jame naiknodi Arebia gre ginauna atha mei gol ka mana. Te keli na jame naiknore mala tarai fabrahu ka mana, iagho fablahi mae king fabrahu.

Nodi Khoje Hatimare Mae Jiu 95:6

Ghotilo mei, mala pogho soru nei tufru soru eghu tahati ka mana. Tahati mala tuturupuku soru ke ulugna Lord mae ihei teke vuavuha ghita.

Eksodas 30:23

“Iagho ginauna atha glepo te thofno sisiri kelidi igre: namno kilo mur, thilo kilo glaghobe, thilo kilo nehu,

Eksodas 30:34

Lord ne cheke eghu ka Moses, “Iagho ginauna atha glepo te sisiri kelidi igre: nataf, nei sehelet, nei helbena, nei lebona. Iagho atha nanaba vido ka fati glepo te sisisri kelidi igre,

Famane Khoje 3:6

Ihei site jifla mei funu ka namono nagou jateula gagahu khaꞌaghi biꞌo teu gnea? Sisirigna gna thofno famane fara, jateula sisirigna famane insens, teke atha teke mei mae bisnis funu ka vido khaba fara.

Profet Isaia 60:6

Mare ginauna atha mei kmana kamel nei dedei eghu ka ghotilo funudi Midian nei Efa, eghuteuna naiknodi Seba ginauna atha mei gol nei insens. Eghuteuna mare ginauna na kafe eha fabiꞌo mala kilo fnaknoni Lord.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Matiu 1:18

Igne u thoutonu teke karhagna mae Jisas Kraes na. Idogna mana Meri gne neke paru nekeu ka mae Josep. Nu ame tolaghi nga repa teku na mare la filonihi Meri gne la au thugna hi kau nogna nolaghi mae Tharunga te Blahi.

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Matiu 2:10

Kate filoni mare u nathunu igne, mare ne kafe keli tadi fara balu gleale'a.

Matiu 2:2

Mare ne ghusna eghu, “Ne karha aheva si mae sua nalhaꞌu te mala nomi mae King ghotilo mae Jiu grea? Ghehati ne filoni nogna nathunu mana te haghe ke maghati. Eghume, ghehati mei mala pogho soru ranghini mana.”

Luku 2:16

Aonu mae grereighi sipure ghosei ne tei ludedi Meri ghe Josep, eghuteuna mare filoni sua gegeꞌe te thuru teu ka sape mala ghamu buluka na.

Luku 2:38

Uve, kau narane te cheke teu ngala mae Simion tuana, naꞌa kegra neu jare ne funu cheke fakelini God. Naꞌa jaola toutonu eigna mae Jisas ka iheire te kafe ofoni teu God te mala mei fakarhidi naiknodi Israel.

Jone 19:39

Mae Nikodimas, mae teke mei filoni mae Jisas bongiro tifa ia ne tei la balugna mae Josep. Mae Nikodimas ne atha phia nafnata meresin te kilodi mur nei alo. Meresin igre famane sisiri kelidi, tahudire tolufulu kilo.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Ululahu Samuel 10:27

Nu keha mae te diꞌa ne cheke eghu, “Tore! Na tangomanani ngau si mae igne nate fakarhi ghita tahati naia?” Eghuteuna mare ne tirodi tusu lao namha ka mana, naugna mare ne theome magnahagheni mana. Nu King Sol ne au kmu kolho.