Matiu 13:3 - Buka Blahi Ka Cheke Holo

³ Mae Jisas ne farirhiudi kmana glepo kau cheke naba. Mana ne cheke eghu ka naiknore, “Igne thoutonu gna kaisei mae te joꞌu sisi na. Kaisei fata, mana tei ne joꞌu sisire ne toatofa tafri kau nagare na.

Matiu 13:3 Iomraidhean Croise

Nodi Khoje Hatimare Mae Jiu 49:4

Iara ginauna na kulu toutonu ka ghotilo kau cheke naba, eghuteuna iara ginauna nake rurutha gaoghatho di cheke naba igre kate koje iara ka gita na.

Nodi Khoje Hatimare Mae Jiu 78:2

Kate cheke ka ghotilo na, iara ginauna toutonu ka cheke naba. Iara na toutonudi unha teke edi teke mei tifa tela theo kaisei ka ghotilo te lasedire.

Profet Esikiel 17:2

“Maegna ka nauthoglu. Iagho chekeni kaisei cheke naba ka naiknodi Israel.

Profet Esikiel 20:49

Iara cheke eghu, “Lord God! Naiknore ginauna theome fanomho ka iara, naugna mare khogla cheke eghu eigu iara kolho, ‘Mana mae mala cheke naba kolho!’ ”

Profet Maeka 2:4

Ke leghu gna narane tuana, naiknore ginauna maꞌe ghami ghotilo fabrahu funu ka puhi biꞌo te thoke ghami ghotilo igne. Eghuteuna mare ginauna eni kaisei khoje mala maꞌe ghami ghotilo ka puhi biꞌo igne. Mare ginauna koje eghu, ‘Gognarona tahati kafe thofno goigoni ghita fara! Lord snakredi naokare mala atha noda glose tahati gne.’ ”

Profet Habaku 2:6

Nu naiknodi kantri te gnafa teke uludi mae Babilonia ka magra na igre, mare ginauna cheke faparini nei na theome ghatho tahuni eghu kantri Babilonia. Naiknore ginauna cheke eghu: “Kokhoni ghami fara ghotilo iheire te hata kmana glepo teke theome nomi ghotilo ra. Niha fata huhurudi keha naiknore mala tusu ari sileni biꞌo mala dedei nomi fara si ghotilo ia?

Matiu 13:4

Kate toatofa tafri mana sisire, keha sisire ne khoko soru ka nabrou. Nanghajire mei ne ghamu fateo sisire.

Matiu 13:53

Kate toutonu te gnafa cheke naba igre, mae Jisas ne tei kokoni vido tuana.

Matiu 22:1

Mae Jisas neke toutonu keha cheke naba ka naiknore. Mana ne cheke eghu,

Matiu 24:32

Mae Jisas ne cheke eghu ka mare, “Famane fanomho fakeli ghotilo ia ka farirhiu te laseni tahati ka gaju te kiloi fig ia. Kate funu kotu seke greghe gnare eghuteuna ke fufusa majaghani khaklagnare teuna, ghotilo laseni hila finogha majaghani na la namohi.

Nonomho Te Keli Teke Risoi Mae Mak 12:1

Ka narane tuana mae Jisas ne funu cheke ranghidi ka keha cheke naba. Mana ne cheke eghu, “Kaisei fata, kaisei mae khoto glose ne joꞌu kaisei nagare. Mana bara faligohoni nagare na nei dokha kaisei khora mala poji sisi grep mala eni waen. Aonu, mana babana kaisei suga ikoi kligna mala toetoe. Gnafa teuna, mana snakre lao nagare igne ka hatimare mae greireghi nagare mala loku. Aonu, mana jifla ne tei au ka keha namono delei fara.

Nonomho Te Keli Teke Risoi Mae Mak 12:12

Mae biꞌodi mae Jiu gre magnahagheni fara te lokini mae Jisas, naugna mare laseni cheke naba te eni mana igne chekedi kolho mare. Nu mare ne mhaghudi naiknore, aonu mare jifla kokoni mana ne tei nodi.

Nonomho Te Keli Teke Risoi Mae Mak 3:23

Aonu, mae Jisas ne kilodi naiknore mala mei rhegnai mala toutonu ranghidi kau cheke naba. Mana ne cheke eghu ka mare, “Mae Satan na theome tangomana te bruedi nogna naikno thegna re.

Nonomho Te Keli Teke Risoi Mae Mak 4:13

Aonu mae Jisas ne ghusna eghu ka mare, “Ba, theome laseni si ghotilo gaoghathogna cheke naba ignea? Te theo ghotilo na, faꞌunha ghotilo me lasedi keha cheke naba re eghu?

Nonomho Te Keli Teke Risoi Mae Mak 4:33

Mae Jisas farirhiuni chekegna God na ka kmana nafnata cheke naba igre ka naiknore. Mana farirhiudi naiknore ka unha mare tangomana te nomhidi nogna farirhiure.

Luku 12:41

Mae Pita ne cheke eghu, “Lord, iagho chekeni cheke naba igne ka ghehati kolho, ba ka iheire te gnafa khapru teu igre?”

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Jone 16:25

Aonu, mana ne cheke eghu ka mare, “Glepo te chekedi iara ka ghotilo igre, iara toutonu kau cheke naba. Nu narane na ginauna mei nate theome cheke naba iara ka ghotilo na. Nu iara ginauna cheke fadoglo eigna mae Mama ka ghotilo.