Matiu 12:4 - Buka Blahi Ka Cheke Holo

⁴ Kau narane tuana mae pris na neke snakreni mae Devet neke ruma ka Sugablahi na neke hata bret teke fafara ka God na neke ghamu baludi mae kheragnare. Igne thono blahi fara ka vetula nogna mae Moses, hatimare mae pris kolho tangomana te ima na nafnata bret tuana. Eghuteuna God neke theome diꞌatagna ka mae Devet.

Matiu 12:4 Iomraidhean Croise

Eksodas 25:30

Eghuteuna ghotilo lilisei ka tevo igne Bret Blahi te mala fagaglana gna te au iara balumi ghotilo na, bret igne ginauna au fabrahu ke ulugna vido te au iara na.”

Levitikas 8:31

Mae Moses ne cheke eghu ka mae Eron baludi thugna mana re, “Ghotilo atha nafnahigna fapea sipu na mala kuki ka khoꞌu ka vido igne kolho, ka grengathagna Suga Tapuale te Blahi. Eghuteuna ghotilo mala ghamu nafnahi igne balu bret te au ka kharaꞌo gano te mala taofi ghotilo ana. Igne unha te chekeni Lord te mala eni ghotilo na.

Matiu 12:3

Mae Jisas ne cheke eghu ka mare, “Ghotilo jame laseni unha teke eni mae King Devet baludi mae kheragnare kani teke rofo tifa ia. Uve, ghotilo lasenihi igne, naugna ghotilo neke iu'ijunihi ka grioriso te blahi ia eigna igne.

Matiu 12:5

Nu ghotilo lasenihi unha te chekeni ka nogna vetula mae Moses eidi mae pris te loku ka narane Sabat ia. Leuleghu narane Sabat na mare loku ka Sugablahi na, nu unha te eni mare igne mare huhughuni vetula na. Eghuteuna God theome fatedi mare.

Luku 6:4

Mae Devet neke ruma ka Sugablahi nogna God na, neke hata bret teke fafara ka God na neke ghamu, eghuteuna tufa langau keha bret ka mae teke tei balugna re. Igne thono jafra fara ka nogna vetula mae Moses. Te chekeni ka vetula na, kaisei mae pris ngala tangomana te ghamu nafnata bret tuana.”

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Ululahu Samuel 21:4

Mae pris Ahimelek ne cheke eghu, “Iara theo bret, nu iara au keha bret blahi kolho agne na. Ghotilo tangomana te ima bret igne jame te theome thuru balu gaꞌase mae te au balumu iaghore.”

Ululahu Samuel 21:6

Aonu pris ne tufa ka mae Devet bret blahi igre naugna mana theo kaisei bret te au jare na. Leghu narane na mare atha fajifla bret blahi te jemnu igre ka Sugablahi na mala ke tughu kate brana.