Matiu 11:2 - Buka Blahi Ka Cheke Holo

² Kate au teu ka suga sosolo na, mae Jone Apublahi ne nomhidi unha te edi mae Kraes. Aonu mana ne kurudi keha nogna mae fanomhore ne tei ka mae Jisas.

Matiu 11:2 Iomraidhean Croise

Matiu 1:17

Aonu, phagusu teke funu ka mae Ebraham te posa ka mae King Devet na jame nabagna nabotho fati phagusu. Eghuteuna teke funu ka mae Devet te posa ka narane teke sneka teke tei mare Babilon na keha nabotho fati phagusu. Eghuteuna teke funu jare te posa ka teke karhagna mae Kraes na keha nabotho fati phagusu.

Matiu 14:3

Filo si ghotilo, tifa na mae Filip tahigna mae Herod neke tolaghi ka Herodias. Mae Herod magnahagheni Herodias neke tolaghi ka naꞌa. Aonu mae Jone Apublahi ne cheke fabrahu ka mae Herod. Mae Jone neke eni igne ka mana naugna thono blahi fara ka nodi vetula mae Jiu te tolaghi ka khetogna mae tahigna na kate karha nga teu mana na. Herodias ne diꞌatagna fara ka mae Jone, ne magnahaghei koko laoni mae Jone ka suga sosolo. Aonu mae Herod hatani mae Jone ne koko laoni mana ka suga sosolo. Mana magnahaghei te faleheni mae Jone, nu mana mhaghu te faleheni mae Jone na, naugna hatimare mae Jiu laseni mae Jone gne kaisei nogna mae profet God.

Matiu 4:12

Kate nomhini mae Jisas au teu mae Jone kau suga sosolo na, mana jifla Judia neke pulo Galili.

Matiu 9:14

Nogna fanomho mae Jone Apublahi igre mei ne ghusna eghu ka mae Jisas, “Velepuhi, ghehati nei mae Farasi gre eghu dangna gano koba. Naugna unha si nou mae fanomho iagho gre te theome dangna gnea?”

Nonomho Te Keli Teke Risoi Mae Mak 6:17

Mae Herod gne ngala teke chekedi mae soldiare teke lokini mae Jone teke haruni mana kau chen teke liliseini mana ke lamna suga sosolo na. Mae Herod neke eni igne mala keli tagna Herodias, khetogna na. Tifa na Herodias gne neke khetogna mae Filip, thabusigna mae Herod nu mae Herod hata Herodias ne tolaghi ka naꞌa.

Luku 3:19

Jaola mae Jone neke cheke faheaheta fara ka mae King Herod Antipas naugna mae Herod neke tolaghi blau ka Herodias, khetogna mae Filip mae tahigna thegna na. Eghuteuna mae Herod jaola neke edi kmana glepo te diꞌa fara tulao.

Luku 9:7

Ka vido tuana, mae King Herod Antipas ne nomhidi naikno te toutonudi gobigna lepo te edi mae Jisas re. Aonu mana ne faꞌihoni fara, naugna keha naiknore ne filoni nogna gloku mae Jisas na ne cheke eghu, “Mae Jone Apublahi teke lehe tifa ia kela karha fapulo.”

Jone 4:1

Hatimare mae Farasi ne nomhini eigna mae Jisas te faꞌapublahi kmana naikno ke tulaogna mae Jone Apublahi te mala leghuni mana na.