Matiu 11:1 - Buka Blahi Ka Cheke Holo

¹ Ke leghugna te farirhiudi nabotho phei nogna mae fanomhore, mae Jisas jifla jare ne tei ka namono te kmana ke lamna Provins Galili ne toutonu, nei farirhiudi neu naiknore.

Matiu 11:1 Iomraidhean Croise

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 7:28

Kate gnafa mae Jisas chekedi glepo igre, naiknore ne jaglo nodi fara ka nogna nafnata farirhiu te edi mana igre.

Matiu 9:35

Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

Nonomho Te Keli Teke Risoi Mae Mak 6:12

Mae fanomhore jifla ne tei toutonu ka naiknore ne cheke eghu, “Ghotilo gnafa lilisei puhimi te diꞌare.”

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Luku 8:1

Kaisei fata ke leghugna igne, mae Jisas ne tei ka namono biꞌo nei ka namono ikodi eghu ka Provins Galili mala toutonuni Nonomho te Keli eigna nakarha God te funei frunini. Eghuteuna, hatimare nabotho phei nogna mae fanomhore

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 10:42

Eghuteuna mana neke cheke faheta ka ghehati, mala cheke thakleni ghehati u Nonomho te Keli igne ka naikno te gnafare, nei chekeni ka naiknore mana ngala teke vavahi God te mala fatedi naikno te karha nga teu, ba naikno tela kulu lehehi.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Fapea Tesalonika 3:10

Kate au balumi ghotilo ia, ghehati neke cheke eghu ka ghotilo, “Jame ihei te tirogna loku na, ghotilo thosei faghamuni.”

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Ululahu Timoti 6:14

Naugna glepo teke chekedi God mala edi iagho teku ra, iagho famane leghudi ka puhi te doglo ghilei thokeni narane mala ke pulo meigna noda Lord Jisas Kraes.