Matiu 10:8 - Buka Blahi Ka Cheke Holo

⁸ Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Matiu 10:8 Iomraidhean Croise

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Naba 18:7

Nu iagho nei mae thumu iaghore eghu kolho te mala loku nei reireghidi teu glepo blahi ka olta nei glepo te au ka chogho te blahi na. Iara ginauna tufa ari keha glepo blahi ka nomi gloku ghotilo mae pris are, mala kaikalitidi ghotilo glepo blahi ka Suga Thapuale te blahi gne. Nu jame te mei namo keha mae te theo nogna nolaghi te mei rhegna glepo blahi igre na, ghotilo ginau faleheni mae tuana.”

Matiu 10:1

Kaisei narane mae Jisas ne kilo fodudi nabotho phei nogna mae fanomhore. Mana ne tusu ranghidi nolaghi te mala brue naitu nei nolaghi mala fakarhidi naikno te au kmana nafnata khabru nei fogra biꞌo.

Matiu 10:7

Kate tei ghotilo na, cheke eghu ka mare, ‘Narane God te funei frunidi nogna naiknore la namo meihi!’

Matiu 10:9

“Thosei hata sileni balumi ka nomi thei na.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Luku 10:9

Fakelidi iheire te fogra ka namono tuana, nei cheke eghu ranghidi, ‘Narane te funei frunidi God naiknore la namo meihi ka ghotilo.’

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”