Matiu 10:6 - Buka Blahi Ka Cheke Holo

⁶ Nu ghotilo tei ka naiknodi mae Israel. Mare la snivihi jateula sipu eghu.

Matiu 10:6 Iomraidhean Croise

Nodi Khoje Hatimare Mae Jiu 119:176

Iara jateula sipu te tei snivi ra eghu la tei jafra kau nabrou te keli na. Eghume, mei sagho hiro ghau iara nou mae gloku gne, naugna iara gne theome ghatho ihoni nou vetula iagho na.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Jeremaea 50:17

Lord ne cheke eghu, “Naiknodi Israel igre jateula sipu te ngolhi tafridi lion ra eghu. King gna Asiria teke kulu goigonidi mare na jateula lion te ghamudi sipu ra teku. Eghuteuna King Nebukadnesa gna Babilonia igne mae leghu lahu teke kina ngujadi mare jateula lion te kathu nguanguja nhubra sipu ra neku.”

Profet Jeremaea 50:6

“Nogu naikno iara igre neke tei snivihi, jateula mae ihei te reireghi sipu teke batu fadiꞌadi teke tei snivi tafri ke kligna thogele ba gukhu te theome laseni nodi namono ra neku.

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Profet Esikiel 34:6

Nogu sipu iara igre tei tafri ke kligna gukhu ba ke kligna thogele. Reꞌe tei tafri ka vido te gnafa ka nauthoglu igne, nu theo kaisei naikno te tei te hirodi, ba fariuriu filodi.

Profet Esikiel 34:8

Iara eni kaisei nhaꞌa cheke ka nanghagu iara Lord mae ihei te karha te tifa: Lion igre ngolhidi nogu sipu iara re, eghuteuna kathu falehe ghamu ghedire, naugna theo kaisei naikno te reireghidire. Ghotilo mae mala baubatura theome reireghidi kolho nogu sipu iara re. Ghotilo khogla reireghi ghami themi kolho.

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 18:11

Naugna iara mae teke mei funu ka God gne neke mei kau nauthoglu igne mala fakarhidi naikno te snivi te theo tadi thofno nakarha na.

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 18:6

Nu mae Jiure ne tirodi fatutuani di nogna farirhiu mae Pol. Eghuteuna mae Pol ne buebue ka nogna phoko na kaisei fagaglana God theome magnahaghedi naikno tuare, ne cheke eghu, “Te fate falehe ghami ghotilo God ginauna, tuana nomi puhi ghotilo themi, theome nogu najafra iara! Funu gognaro na iara ginauna na tei toutonuni u Nonomho te Keli igne ranghidi naikno te theome Jiu.”

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.