Matiu 10:5 - Buka Blahi Ka Cheke Holo

⁵ Ka narane te kuru fajifladi mana nabotho phei nogna mae fanomhore, mae Jisas ne cheke eghu ranghidi mala edi mare glepo igre, “Ghotilo thosei tei ka nohi te theome au mae Jiu nei ka namonodi mae Samaria.

Matiu 10:5 Iomraidhean Croise

Matiu 22:3

Mae funei na ne kilodi keha naikno mala mei ka gaghamu igne. Kate tarabanahi gaghamu na, mae funei na ne kuru teidi nogna mae glokure mala chekedi naiknore mala mei ka gaghamu na. Nu mare ne tirodi mei.

Matiu 4:15

“Ka namonogna Sebulun nei Naftali, ka nabrou te tei posa ke tongna, ka keha phile Kho'u Jordan, te au Galili namonodi naikno te theome Jiu.

Nonomho Te Keli Teke Risoi Mae Mak 6:7

Aonu mana kilodi nabotho phei mae nogna fanomhore ne cheke eghu ka mare, “Iara na kuru fajifla ghami ghotilo mala phei mae kaisei namono, eghuteuna keha phei re ka keha namono na eghu. Iara na tusu ari ka ghotilo nolaghi te mala bruedi naiture.”

Luku 10:1

Ke leghugna igne, mae Jisas ne vahidi keha fitusalei phei mae. Mana ne kuru fajifladi mala tei peapea mare ke ulugna mana ka namono biꞌo ba ka namono te ikodi te mala tei mana ginauna.

Luku 10:33

Nu kaisei mae gna Samaria mei ne posa ka mana te thuru teu ka geri nabrou na. Kate filoni mae igne na, mana ne kokhoni nognani fara.

Luku 17:16

Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Luku 9:1

Mae Jisas ne kilo fodudi nogna nabotho phei mae khurure. Aonu mana ne tusu ranghidi nolaghi te mala fakelidi naikno te fogra, nei nolaghi te mala bruedi naiture.

Luku 9:2

Mae Jisas ne kuru fajifladi mae khuru re mala tei toutonuni mare nakarha te funei frunini God na, nei mala fakarhidi iheire te fogra.

Jone 17:18

Iara kuru fajifladi mala tei mare kau naiknogna nauthoglu igne, jateula ngau iagho teke kuru mei ghau iara kau nauthoglu igne.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 4:20

Tifa na mae ku'emi ghehati mae Samaria gre neke tarai lao ka God ka thogele igne. Nu ghotilo mae Jiure te chekei na Jerusalem kolho thofno vido te mala tei tahati te mala tarai lao ka God na eghu.”

Jone 4:5

Jare Samaria, mana ne mei posa ka namono te kiloi Saeka. Namono igne au rhegna sare teke tusu lao mae Jekop ka mae thugna Josep tifa.

Jone 4:9

Gaꞌase na ne cheke eghu ka mana, “Sei, iara jaglo nogu ka iagho te tore khoꞌu ka iara gne. Iagho maemu Jiu eghuteuna iara gne gaꞌase gu Samaria. Naugna unha site tore khoꞌu iagho ka iara gnea?” Mae Jiure theome fofodu ka mae Samaria re.

Jone 7:35

Hatimare mae Jiure nomhidi cheke mana igre ne cheke eghu fari thedi, “Sei, na tei aheva si mae ignea mala theome filoni tahati? Ba, na tei ka naikno tahati te au ka namonodi mae Griki ra? Ba mala tei farirhiudi mae Griki are?

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 10:45

Naikno Jiu te fatutuani ni mae Jisas teke mei balugna mae Pita re ne jaglo nodi fara, eigna God ne tusu lao u Tharunga te Blahi na ka naikno te theome Jiure.

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.