Matiu 10:3 - Buka Blahi Ka Cheke Holo

³ mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Matiu 10:3 Iomraidhean Croise

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Matiu 27:56

Keha ka gaꞌase igre neke, Meri thaugna Makidala, Meri idodi mae Jemes ghe mae Josep, nei idodi mae Jemes ghe mae Jone, phei thugna mae Sebedi.

Matiu 9:9

Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.

Nonomho Te Keli Teke Risoi Mae Mak 15:40

Keha gaꞌase langau kegra filo mei neu delei. Baludi Meri gna Makidala nei Salome nei Meri idodi mae Joses ghe mae tahigna Jemes.

Nonomho Te Keli Teke Risoi Mae Mak 2:14

Kate ratha te tei na, mana ne filoni mae Livae thugna mae Alfius gnokro neu ka vido mala foli takis na naugna mana loku jare. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Mae Livae kegra haghe ne leghuni mae Jisas.

Nonomho Te Keli Teke Risoi Mae Mak 3:18

Mae Aduru, mae Filip, mae Batolomiu, mae Matiu, mae Tomas, mae Jemes thugna mae Alfius, mae Tadius, mae Simon mae ihei ka tothoghei te magnahaghei fajifladi mae Rom,

Luku 18:10

“Kaisei fata, phia mae ne tei ruma ka Sugablahi na mala tarai. Kaisei mae Farasi, keha na mae mala salo takis.

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Luku 19:2

Jare Jeriko kaisei mae nanghagna na mae Sakias. Mana kaisei mae dedei fara nei kaisei mae mala salo takis.

Luku 5:27

Ke leghugna igne, mae Jisas tei ne filoni kaisei mae salo takis, nanghagna na mae Livae. Mana gnokro neu ka vido aheva te mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.”

Jone 1:48

Mae Natanel nomhini cheke mae Jisas igne ne jaglo nogna fara ne cheke eghu ka mana, “Faꞌunha neke lase ghau iara sagho ia?” Mae Jisas ne cheke eghu ka mana, “Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.”

Jone 11:16

Aonu, mae Tomas, mae te kiloi mae Didimus ne cheke eghu ka mae fanomhore, “Tore, tahati na kafe tei balugna mae funei gne mala lehe balugna mana!”

Jone 14:22

Aonu, mae Judas (theome mae Judas Iskariot), ne nomhidi cheke igre ne cheke eghu ka mae Jisas, “Lord, naugna unha site magnahaghei fatakle nigho themu kolho ka ghehati, nu theome ka naikno te leghuni puhigna nauthoglu gne teu gnea?”

Jone 14:5

Mae Tomas ne cheke eghu ka mana, “Lord, ghehati theome laseni aheva nate tei iagho na. Faneha eghume laseni ghehati nabrou te tei thoke jare na eghu sia?”

Jone 14:9

Mae Jisas ne cheke eghu ka mana, “Ghema Filip, iara au raughahi balumi ghotilo. Ba theome lase fakeli ghau ngala iara si ghotilo ia? Tutuani fara, mae ihei te filo ghau iara na, mana la filonihi mae Mama. Naugna unha site chekeni iagho, ‘Fatakle ranghi ghami mae Mama na’ teu gnea?

Jone 21:2

Keha nogna mae fanomho mana igre kafe khapru neu jare, mae Simon Pita ghe mae Tomas ihei te kiloi mae Didimus, nei mae Natanel gna ka namono Kena te au ka nohi Galili, phia mae thugna Sebedi nei keha phia mae nogna fanomho mana re.

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Mae Khuru 21:18

Ka keha narane na, mae Pol ne tei balumi ghehati mala sighoni mae Jemes. Eghuteuna hatimare mae biꞌo ka khiloau re ne kafe aula neu jare.

Galesia 1:19

Nu ka narane igre iara neke theome filodi keha mae khurure kaisei mae Jemes tahigna Lord kolho teke filoni iara na.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.