Matiu 10:1 - Buka Blahi Ka Cheke Holo

¹ Kaisei narane mae Jisas ne kilo fodudi nabotho phei nogna mae fanomhore. Mana ne tusu ranghidi nolaghi te mala brue naitu nei nolaghi mala fakarhidi naikno te au kmana nafnata khabru nei fogra biꞌo.

Matiu 10:1 Iomraidhean Croise

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Matiu 26:20

Ka grafi tuana mae Jisas ne gnokro ka tevo na baludi nabotho phei mae fanomhore.

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 4:23

Mae Jisas ne tei tongana ka Provins Galili, ne ruma ka nodi suga tharai mae Jiu ne farirhiu, nei toutonu thakleni Nonomho te Keli eigna narane God nate funei frunidi nogna naiknore, nei fakarhidi naikno te gnafa te fogra nei khabru biꞌo teure.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Matiu 9:35

Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

Matiu 9:38

Ghotilo tore ka God, mae khotogna nagare na, mala kuru mei kmana mae gloku mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.”

Luku 10:19

Fanomho fakeli ghotilo ia. Iara la tusu arihi ka ghotilo nolaghi te mala tangomana ghotilo te tapla ke klignadi mogo te faghughumhu nei khafrasege, mala theome kabru ghotilo. Eghuteuna iara la tusu arihi ka ghotilo nolaghi biꞌo te uluni fara ghotilo nogna nolaghi noda naoka tahati mae Satan. Eghuteuna ginauna na theo kaisei glepo nate fakabru ghami ghotilo na.

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Luku 24:49

Iara ginauna kuru mei ka ghotilo mae ihei teke nhaꞌa cheke mae Mama na. Nu ghotilo mala au ngala Jerusalem ghilei hatini nogna nolaghi God te mei funu kligna na.”

Luku 6:13

Hamerane ka keha narane na, mae Jisas ne kilodi nogna mae fanomhore. Kate mei mare ka mana na, mana ne vavahi nabotho phei mae ka hatimare. Mana ne kilodi hatimare “Mae Khuru.”

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 3:27

Mae Jone ne cheke eghu ka mare, “Tutuani fara, theo kaisei naikno te tangomana te eni kaisei glepo na, nu thegna God ngala tangomana te tusu ranghini mana nolaghi na.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Jone 6:70

Mae Jisas ne cheke eghu ka mare, “Iara neke kafe vahi ghami ghotilo nabotho phei mae. Nu neuba ngau kaisei mae ka ghotilo na thono jateula mae Satan eghu.”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Mae Khuru 19:15

Nu naitu na ne cheke eghu ka mare, “Iara laseni mae Jisas, nei iara jaola lasenila eigna mae Pol. Nu ghotilo mae iheire eghu sia?”

Thakle 12:1

Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.