Matiu 1:6 - Buka Blahi Ka Cheke Holo

⁶ mae Jesi na neke kmagna mae King Devet. Mae Devet na neke kmagna mae Solomon, (nu idogna mana na neke khetogna mae Uria);

Matiu 1:6 Iomraidhean Croise

Fapea Samuel 11:3

Aonu mana kuruni kaisei nogna mae gloku ne tei ghusnani nanghagna gaꞌase igne. Nogna mae gloku mana igne pulo ne cheke eghu ka mana, “Thau igne nanghagna na, Batseba thugna mae Eliam, khetogna mae Uraea, maegna Hit.”

Fapea Samuel 23:1

Igne nogna cheke leghu lahu mae Devet, thugna mae Jesi. Nogna God mae Jekop neke vahini mae Devet mala mae king biꞌo. Eghuteuna nodi God mae Israel te au nolaghi biꞌo igne namhani mana. Kate cheke God ka mana te mala cheke na, mae Devet ne cheke eghu:

Fapea Samuel 23:39

mae Uraea maegna Hit. Tolufulu fitu mae soldia te au ka thara igne.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kronikols 11:41

Mae Uria, maegna ka namono Het. Mae Sabad, thugna mae Ahalae.

Ululahu Kronikols 14:4

Nanghadi thugna nalhaꞌu mana teke karha Jerusalem re igre: Mae Samua, mae Sobab, mae Natan, mae Solomon,

Ululahu Kronikols 2:15

Mae Osem, nei mae Devet.

Ululahu Kronikols 28:5

Lord neke tusu ranghi ghau iara kmana sua, eghuteuna mana neke vahini mae thugu iara Solomon mala funei frudi naikno te gnafa Israel.

Ululahu Kronikols 3:5

Eghuteuna igre thugna mae Devet teke karha jare na: mae Simea, mae Sobab, mae Natan, nei mae Solomon. Fati mae igre neke karha ka Batseba thugna gaꞌase mae Amiel.

Nodi Khoje Hatimare Mae Jiu 72:20

Igne huigna nogna tharai mae king Devet, thugna mae Jesi.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Matiu 1:5

mae Salmon na neke kmagna mae Boas (Rehab teke idogna mana na); mae Boas na neke kmagna mae Obed (Rut teke idogna mana na); mae Obed na neke kmagna mae Jesi na;

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Ululahu Samuel 17:58

Mae king Sol ne ghusna eghu ka mana, “Mae majaghani, mae ihei mae kmamu iagho na?” Mae Devet ne cheke eghu ka mana, “Kmagu iara na mae Jesi, maegna ka namono Betlehem, mae kmagu iara igne mana ghatho tahu nigho iagho fara.”

Ululahu Samuel 22:8

Jame igne gaoghatho te theome ghatho tahu ghau iara ghotilo gne! Theo kaisei ka ghotilo te mei cheke ka iara aheva mae thugu iara mae Jonatan balugna thugna Jesi igne te nhaꞌa cheke phiamare te mala fofodu fabrahu na. Mana nogu mae gloku iara, nu mana hiro puhi te mala falehe ghau iara na! Eghuteuna mae thugu iara mae Jonatan igne ngala te huhuruni mana te eni igne, nu theo kaisei ka ghotilo te ghatho tahu ghau iara te mei chekeni glepo igne ka iara na.”