Matiu 1:12 - Buka Blahi Ka Cheke Holo

¹² Ke leghugna te tei sosolo Babilon na mae Jekonia neke kmagna mae Sieltiel; mae Sieltiel na neke kmagna mae Serubabel;

Matiu 1:12 Iomraidhean Croise

Fapea Kings 24:14

Eghuteuna King Nebukadnesa ne hata naikno te gnafa Jerusalem, baludi mae biꞌo, mae komanda, mae iheire te lase loku ka aean ba thaba. Khaputudi naikno igre thokeni nabotho thogha. Naikno te kuma re kolho te au fapulo ka kantri Juda.

Fapea Kings 25:27

Ke lamnadi tolufulu fitu finogha te au teu King Jehoiakin ka suga sosolo Babilonia igre, King Evil-Merodak ne kegra king gna Babilonia. Eghuteuna ka finogha tuanala, ka fabotho pea nhigra, ka varadaki fitu narane gna na, mae king igne ne hata fajiflani King Jehoiakin ka suga sosolo, ne snakre teini.

Ululahu Kronikols 3:17

Mare hata ne tei Babilonia king Jehoeakin baludi fitu mae thugna nalhaꞌu igre: mae Sealtiel,

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.

Esra 5:2

Kate nomhidi mae Serubabel thugna mae Sealtiel ghe mae pris biꞌo Jesua thugna mae Jehosadak nodi cheke phei mae profet igre, phiamare neke fufunu babana fapulo nogna Sugablahi God igne Jerusalem. Eghuteuna phei nogna profet God igre ne toghodi mare.

Nehemaea 12:1

Kmana mae pris nei mae Livaet eghu jifla Babilonia neke pulo mei Jerusalem balugna: mae Serababel thugna mae Sealtiel, nei mae pris biꞌo Jesua. Nanghadi mae pris re igre: mae Seraea, mae Jeremaea, mae Esra,

Profet Jeremaea 22:24

“Iara Lord, mae ihei te karha te tifa, iara na cheke ranghi nigho Jehoiakin thugna mae Jehoiakim king gna Juda. Neuba iagho ne lilisei ring fei khame nhetamu fagaglana gna nogna nolaghi biꞌo king na, iara ginauna atha fadelei ka iagho nolaghi biꞌo tuana.

Profet Jeremaea 22:28

Jeremaea ne cheke eghu, “Mae Jehoiakin igne jateula suspen glose tela diꞌahi te theo kaisei naikno te magnahagheni ra eghu. Naugna unha si Lord te magnahaghei kuru teini mana baludi thugnare ka kantri delei ignea?

Profet Jeremaea 22:30

Lord ne cheke eghu, Ghotilo rioriso thoutonu eigna mae igne. Mae igne jateula mae te theo thugna ra eghu. Eghuteuna mana ginauna na theome eni kaisei glepo te keli ka nakarhagna na. Naugna theo kaisei ka vikegna mae igne nate ke tughuni mana mala teke gnokro ka nogna sape nafnakno mae king Devet te mala funei fruni ka kantri Juda.”

Profet Hagae 1:1

Lord cheke lao u nonomho ka profet Hagae ka narane ulu lahu na namno nhigra ke lamnadi phia finogha king teku Darius gna Pesia na. Lord ne cheke ka mana mala tei cheke ka Serababel mae gavana gna Juda, thugna mae Sealtiel, nei mae pris biꞌo Josua thugna mae Jehosadak.

Profet Hagae 1:12

Aonu Serababel thugna Sealtiel, nei mae pris Josua thugna Jehosadak nei naikno te gnafa te au ka vido tuana, mare pukuni leghuni fara chekegna Lord nodi God na. Mare ne leghuni chekegna Lord mae ihei teke snakre meini profet Hagae te toutonu u nogna nonomho na nu mare mhaghuni fara langau Lord.

Profet Hagae 1:14

Aonu Lord ne cheke ka mae gavana Serababel, mae pris biꞌo Josua, nei naikno te gnafa teure mala ke fakegra fapulo nogna Sugablahi Lord, mae ihei te au nolaghi fateote'o.

Profet Hagae 2:2

“Iagho tei cheke ka Serababel mae gavana gna Juda, nu ka mae pris biꞌo Josua, nu ka naikno te au jare re, mala ghusna eghu:

Profet Hagae 2:23

“Eghuteuna iagho Serababel thugna Sieltiel, nogu mae gloku iara igne. Ka narane tuana, iara ginauna tusu ari nafnakno biꞌo ka iagho. Nafnakno igne jateula kaisei mae fahaghe ring gol te au ka geghesu phile khame nhetagna te thofno sigla fara ka nogu nolaghi iara igne eghu. Tutuani fara, iara neke kulu vahi nigho iagho te mala nogu mae gloku iara na. Iara Lord te chekeni igne!”

Matiu 1:11

mae Josia na neke kuꞌegna mae Jekonia nei tahigna mana re; mare neke au nekeu kau narane teke sneka teke tei mae Israel re ka namono Babilon.

Matiu 1:13

mae Serubabel na neke kmagna mae Abiudi; mae Abiudi na neke kmagna mae Eliakim; mae Eliakim na neke kmagna mae Aso;

Matiu 1:17

Aonu, phagusu teke funu ka mae Ebraham te posa ka mae King Devet na jame nabagna nabotho fati phagusu. Eghuteuna teke funu ka mae Devet te posa ka narane teke sneka teke tei mare Babilon na keha nabotho fati phagusu. Eghuteuna teke funu jare te posa ka teke karhagna mae Kraes na keha nabotho fati phagusu.

Luku 3:27

Mae Joda gne neke thugna mae Joanan. Mae Joanan gne neke thugna mae Risa. Mae Risa gne neke thugna mae Serubabel. Mae Serubabel gne neke thugna mae Sialtiel. Mae Sialtiel gne neke thugna mae Nerae.