Mae Khuru 2:3 - Buka Blahi Ka Cheke Holo

³ Ke leghugna igne mare ne filoni kaisei glepo jateula te deudeplu khaꞌaghi ra neu ne sopagna thoti ke klignadi mare.

Mae Khuru 2:3 Iomraidhean Croise

Jenesis 11:6

Lord ne cheke eghu, “Gognaro na naikno gre la kaisei vike ngala nei kaisei nodi cheke eghu ngala. Filo. Mare la tangomanadi hila la babana suga biꞌo igne. Mare ginauna na theome raugha hohoro haghe thua nafnata glepo te magnahaghedi thedi re.

Nodi Khoje Hatimare Mae Jiu 55:9

Iara filodi naikno te au ka namono biꞌo na, mare faphoaphola nei magra eghu. Lord, roꞌe noudi sagho nodi groghe te edi mae naoka are.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Profet Jeremaea 23:29

Chekegu iara na jateula khaꞌaghi nei jateula hama biꞌo te mala tuge thina biꞌo te nghuja ra eghu.

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Luku 24:32

Phiamare ne cheke eghu fari thedi, “Tore, kate toutonu mana ka tapa ka nabrou ia, mana neke rurutha fakeli ka tapa thofno gaoghathodi gobigna lepo ka grioriso te blahi ra. Eghuteuna kate nomhi tapa igne, tapa ne keli tada fara!”

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Mae Khuru 2:11

kehare karha Jiu ba kehare theome karha Jiu nu gognaro mare leghudi nodi khiloau mae Jiure. Eghuteuna keha ka tahati mei funudi Krit nei Arebia. Neuba ngau tahati kafe nomhidi mare cheke ka noda cheke tahati re eidi glepo biꞌo te edi God igre.”

Mae Khuru 2:2

Kaisei naogla biꞌo jateula nuri blahi neu megei nga ne ghaghafa mei funu ka maloa na ne fodu ka suga te au teu mare na.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.