Mae Khuru 1:3 - Buka Blahi Ka Cheke Holo

³ Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.

Mae Khuru 1:3 Iomraidhean Croise

Ululahu Kings 19:8

Aonu mana kegra haghe ne ghamu nei koꞌu neu. Eghuteuna mana rheta ne nolo nabagna phiatutu narane ne ghilei tei posa ka Thogele Sanai, nogna thogele blahi God.

Matiu 21:43

“Eghume te chekeni iara ka ghotilo na. God ginauna hata fadelei nolaghi na ka ghotilo naikno teke funei frunidi mana re. Aonu God ginauna ke tusu lao nolaghi igne ka naikno te edi unha te magnahaghedi mana re.

Matiu 28:9

Nu mae Jisas megei nga ne thakle ka repa ne cheke eghu, “Pharikeli!” Eghuteuna repa tei ne loku ka ghahegna mana re, ne cheke fakelini mana.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Matiu 4:2

Kate theome ima mana ke lamnadi phiatutu narane nei phiatutu bongi teu igre, mae Jisas ne rofo fara.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Jone 21:1

Kaisei fata ke leghugna igne, mae Jisas neke fatakleni thegna ka nogna mae fanomhore ka grathagna Kholo Galili. Igne neke eghu.

Jone 21:14

Funu ka narane ke leghugna teke kegra fapulo mana kau glehe na, igne fatilo fata mae Jisas te thakle ka nogna mae fanomhore.

Mae Khuru 13:31

Kmana fata ke leghugna igne, naikno teke sughu tei tei balugna mana tifa funu Galili teke thoke Jerusalem re neke filoni mana. Eghuteuna gognaro na, mare toutonu fabrahu eigna mana ka naiknodi Israel.

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 28:31

Eghuteuna mana ne toutonu ranghidi u Nonomho te Keli eigna u nakarha God te funei frunini, nei farirhiu eigna noda Lord Jisas Kraes. Mana kaisei mae frane fara kate toutonuni u Nonomho te Keli na. Eghuteuna theo kaisei naikno te tangomana fariuriu lhotini mana ka cheke igre.

Mae Khuru 8:12

Nu kate mei toutonuni mae Filip u Nonomho te Keli eigna mae Jisas Kraes, nei eigna u nakarha te funei frunini God na teuna, kmana nalhaꞌu nei gaꞌase teu ka namono tuana ne fatutuani ne apublahi.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Diutronomi 9:18

“Eghuteuna iara ne khoko sukha pari ka glose na ne tarai ke ulugna Lord nabagna phiatutu narane nei phiatutu bongi, iara theome ghamu nei theome koꞌu. Iara eni igne naugna ghotilo neke eni nakhibo biꞌo ranghini Lord neke ghilei diꞌatagna fara mana.

Diutronomi 9:9

Ka narane tuana, iara neke haghe ka thogele na neke hata phei thina tataba te au nogna nhaꞌa cheke Lord teke eni mana balumi ghotilo ia. Eghuteuna iara neke au ka thogele igne phiatutu narane nei phiatutu bongi, eghuteuna ka narane tuare iara neke theome ghamu nei theome koꞌu.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Ululahu Jone 1:1

Ghehati riso ari ka ghotilo eigna Cheke te karha fabrahu igne. Ghehati nomhinihi. Ghehati filonihi. Ghehati efranihi, nei habonihi ka khamemire. Ghehati riso ari ka ghotilo eigna Cheke te tusu meini u karha na.