Luku 9:29 - Buka Blahi Ka Cheke Holo

²⁹ Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Luku 9:29 Iomraidhean Croise

Profet Isaia 33:17

Ghotilo nogu naikno iara ra! Ghotilo ginauna filoni kaisei mae king te fnakno fara kligna lahu, eghuteuna mana ginauna funei frunidi vido te gnafa ka kantri igne.

Profet Isaia 53:2

Lord snakreni nogna mae gloku na mala karha haghe jateula kaisei gaju ikoi te karha majaghani ka vido te moja ra eghu. Mae gloku igne theome famane mae ka tathadi naiknore, eghuteuna theo kaisei naikno te magnahaghei filo ka mana na. Theo glepo te keli te filoni ka mana, te mala magnahagheni mare na.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Nonomho Te Keli Teke Risoi Mae Mak 16:12

Aonu, ke leghugna igne, mae Jisas ne thakle ka phia nogna mae fanomhore, kate nolo te tei phiamare ka nabrou ke kosi gna namono na. Nu mae Jisas na theome jateula teke tifa ia neu fifilogna na.

Luku 3:21

Kaisei fata, ame sosolo nga mae Jone Apublahi teku na, mae Jone ne faꞌapublahidi naiknore. Mae Jisas ne mei apublahi langau ka mana. Ka vido te tarai mae Jisas na, maloa na ne thora,

Luku 5:16

Nu kmana fata langau mana tei thegna ka vido te nagou na mala tarai.

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Luku 9:18

Kaisei fata, kate au teu thegna na, mae Jisas ne tarai. Eghuteuna nogna mae fanomhore ne mei ka mana. Mana ne ghusna eghu ka mare, “Ba, naiknore ne mae ihei eghu ghau iara?”

Luku 9:30

Eghuteuna phei mae megei nga ne thakle mei, mae Moses ghe mae Elija. Phiamare ne phae ka siasigla gna nogna nolaghi biꞌo God na ne toutonu neu balugna mae Jisas eigna narane te mala jifla kokoni mana nauthoglu igne, nei glepo teke ghathoni God na ginauna edi Jerusalem.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.