Luku 9:20 - Buka Blahi Ka Cheke Holo

²⁰ Eghuteuna mae Jisas ne ghusna eghu ka mare, “Nu ghotilo ba? Mae ihei eghu ghau iara ghotilo?” Mae Pita ne cheke eghu ka mana, “Iagho thofno mae Kraes teke mei funu ka God!”

Luku 9:20 Iomraidhean Croise

Matiu 22:42

“Unha eghu ghotilo gaoghathomi na eigna mae Kraes gne? Vikegna mae ihei si mana gnea?” Hatimare mae Farasi ne cheke eghu ka mana, “Mae Kraes gne vikegna mae Devet.”

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 5:47

Eghume, te keli ranghidi kolho ghotilo kherami fofodu themire, tuana theo kaisei nafugna kolho. Naugna mae bongihehe re mare edila nafnata puhi tuare.

Nonomho Te Keli Teke Risoi Mae Mak 14:61

Nu mae Jisas ne theome cheke. Mae pris biꞌo na neke fapea ghusnai ka mae Jisas, “Ba, iagho ngala si mae Kraes Thugna God mae Blahi naia?”

Nonomho Te Keli Teke Risoi Mae Mak 8:29

Aonu mae Jisas ne ghusna eghu ka mare, “Nu ghotilo ba? Mae ihei eghu ghau iara ghotilo?” Mae Pita ne cheke eghu ka mana, “Iagho mae Kraes.”

Luku 22:67

Mare ne cheke eghu ka mae Jisas, “Cheke sagho ka ghehati. Iagho mae Kraes sia?” Mae Jisas ne cheke eghu ka mare, “Jame chekeni iara ka ghotilo ne mae Kraes teuna, ghotilo theome tangomana te fatutuani ghau iara na.

Luku 9:19

Mae fanomhore ne cheke eghu ka mana, “Kehare te chekei na, iagho mae Jone Apublahi. Kehare te chekei na, iagho mae profet Elija. Eghuteuna kehare te chekei na, iagho kaisei mae ka hatimare mae profet di tifa ra kela karha fapulo.”

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Jone 11:27

Mafa ne cheke eghu ka mana, “Uve, Lord. Iara fatutuani nigho iagho te mae Kraes Thugna God na. Iagho ngala mae ihei te ofoni ghehati te mala mei kau nauthoglu igne.”

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Jone 7:41

Aonu, keha naiknore ne cheke eghu, “Mae igne ngala mae Kraes na.” Nu keha naiknore ne cheke eghu, “Theo, mae Kraes na theome mala mei funugna ka Provins Galili.

Mae Khuru 17:3

Mana rurutha gaoghathogna na ne falalase ranghidi eigna God te snakreni mae Kraes mala lehe, eghuteuna ke leghu na God neke fakarha fapuloni mana. Mana ne cheke eghu ka mare, “Mae Jisas te chekeni iara ka ghotilo igne mae tugne ngala mae Kraes na.”

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Mae Khuru 9:22

Neuba ngau gognaro na mae Sol thono nolaghi fara ka nogna chekere. Eghuteuna mae Jiu te au Damaskas re theome tangomana te magra ka mana na, naugna mana thofno falalase ranghidi mae Jisas gne ngala mae Kraes na.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.