Luku 9:19 - Buka Blahi Ka Cheke Holo

¹⁹ Mae fanomhore ne cheke eghu ka mana, “Kehare te chekei na, iagho mae Jone Apublahi. Kehare te chekei na, iagho mae profet Elija. Eghuteuna kehare te chekei na, iagho kaisei mae ka hatimare mae profet di tifa ra kela karha fapulo.”

Luku 9:19 Iomraidhean Croise

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Matiu 14:2

Aonu mae Herod ne cheke eghu ka nogna mae glokure, “Mae Jisas gne jame mae Jone Apublahi kela karha kela mei. Naugna tuana te au nolaghi mana te edi kofubobhoi igre.”

Matiu 3:1

Ka narane au teu mae Jisas ka namono Nasaret igre, mae Jone Apublahi mei ne toutonuni Nonomho te Keli na ka namono nagou na ka Provins Judia.

Nonomho Te Keli Teke Risoi Mae Mak 6:14

Mae King Herod nomhidi kmana thoutonu eigna mae Jisas, naugna mana gognarona fnakno fara heva te heva na. Keha naiknore ne cheke eghu, “Mae igne mae Jone Apublahi. Mana kela karha fapulo! Naugna tuana te au nolaghi mana te edi kofubobhoi igre.”

Nonomho Te Keli Teke Risoi Mae Mak 6:15

Keha naiknore ne cheke eghu, “Mae igne mae Elija.” Kehare ne cheke eghu, “Mae igne kaisei mae ka hatimare mae profet tifa ra.”

Luku 9:18

Kaisei fata, kate au teu thegna na, mae Jisas ne tarai. Eghuteuna nogna mae fanomhore ne mei ka mana. Mana ne ghusna eghu ka mare, “Ba, naiknore ne mae ihei eghu ghau iara?”

Luku 9:20

Eghuteuna mae Jisas ne ghusna eghu ka mare, “Nu ghotilo ba? Mae ihei eghu ghau iara ghotilo?” Mae Pita ne cheke eghu ka mana, “Iagho thofno mae Kraes teke mei funu ka God!”

Jone 1:21

Mare neke ghusna eghu ka mana, “Eghume mae ihei eghu sagho? Ba, iagho mae Elija?” Mana ne cheke eghu ka mare, “Theo, iara theome mae Elija.” Hatimare neke ghusna fapuloi ka mana, “Ba, iagho mae profet te ofoni teu ghehati gne?” Mae Jone ne cheke eghu ka mare, “Theo, iara theome mae profet tuana.”

Jone 1:25

mare ne ghusna eghu ka mae Jone, “Jame iagho te theome mae Kraes nei theome mae Elija nei theome mae profet teuna. Naugna unha iagho te faꞌapublahi naikno gnea?”

Jone 7:40

Keha naiknore nomhidi glepo te chekedi mae Jisas igre ne cheke eghu, “Tutuani fara, mae igne ngala thofno mae profet biꞌo te ofoni tahati na.”

Jone 9:17

Hatimare mae Farasi gre neke fapea ghusna eghu ka mae teke dofu na, “Iagho te chekeni na mae igne ngala te fakelini dofumu na eghu, unha eghu iagho gaoghathomu themu na eigna mae igne?” Mana ne cheke eghu ka mare, “Iara gaoghathogu na mae igne kaisei mae profet.”