Luku 9:18 - Buka Blahi Ka Cheke Holo

¹⁸ Kaisei fata, kate au teu thegna na, mae Jisas ne tarai. Eghuteuna nogna mae fanomhore ne mei ka mana. Mana ne ghusna eghu ka mare, “Ba, naiknore ne mae ihei eghu ghau iara?”

Luku 9:18 Iomraidhean Croise

Matiu 14:23

Ke leghugna pulo te gnafa naiknore, mana haghe ka thogele na ne tarai. Kate rafi soru na, mana au neu jare thegna.

Matiu 26:36

Mae Jisas ne tei baludi nogna mae fanomhore ka kaisei vido te kiloni Getsemani. Mana ne cheke eghu ka mare, “Gnokrou agne ka vido te tei tarai iara jare na.”

Luku 11:1

Kaisei fata mae Jisas tarai neu ka kaisei vido. Kate gnafa tarai mana na, kaisei mae ka hatimare mae fanomhore ne cheke eghu, “Lord, farirhiu ghami te mala tarai na, jateula mae Jone teke farirhiudi nogna mae fanomho ra eghu.”

Luku 3:21

Kaisei fata, ame sosolo nga mae Jone Apublahi teku na, mae Jone ne faꞌapublahidi naiknore. Mae Jisas ne mei apublahi langau ka mana. Ka vido te tarai mae Jisas na, maloa na ne thora,

Luku 6:12

Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Luku 9:19

Mae fanomhore ne cheke eghu ka mana, “Kehare te chekei na, iagho mae Jone Apublahi. Kehare te chekei na, iagho mae profet Elija. Eghuteuna kehare te chekei na, iagho kaisei mae ka hatimare mae profet di tifa ra kela karha fapulo.”

Luku 9:28

Nabagna kaisei wik ke leghugna teke chekedi mana glepo igre, mae Jisas ne hata balugna mae Pita, nei mae Jemes nei mae Jone ne haghe ka thogele na mala tarai.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.