Luku 9:16 - Buka Blahi Ka Cheke Holo

¹⁶ Mae Jisas ne hata glima bret nei phei sasa teure ne filo haghe kligna ne cheke fakelidi ka God. Mana tufa ganore ne tusu lao ka nogna mae fanomhore mala tufa mare ka naiknore.

Luku 9:16 Iomraidhean Croise

Matiu 14:19

Aonu mana chekedi naiknore mala gnokro ka buburu na. Mana hata ka mare glima bret nei phei sasa teu igre ne filo haghe kligna ne cheke fakelidi ka God. Mana piepike bret re ne tusu lao ka nogna mae fanomhore mala tufa ka naiknore.

Matiu 15:36

Mana hata fitu bret nei sasa teure ne cheke fakelidi ka God. Mana piepike ne tufa ka nogna mae fanomhore. Eghuteuna mae fanomhore ne tufa ka naiknore.

Nonomho Te Keli Teke Risoi Mae Mak 7:34

Eghuteuna mae Jisas filo haghe kligna ne phanga fabiꞌo ne cheke eghu, “Efata!” Gaoghathogna na, “Ke thora silagho!”

Luku 22:19

Ke leghugna igne, mana hata bret na, ne cheke fakelini ka God, mana piepike ne tufa ka mae fanomhore. Aonu mana ne cheke eghu, “Igne thinigu iara na, iara tusu ari ka ghotilo mala fakarha ghami ghotilo. Ima igne mala ghatho fapulo ghau iara.”

Luku 24:30

Mana gnokro soru baludi phiamare ka tevo na ne hata keha bret. Mana cheke fakelidi ka God ganore ne piphike. Aonu mana ne tufa ka phiamare.

Luku 9:15

Mae fanomhore ne leghuni unha te chekeni mae Jisas na. Eghuteuna naikno te gnafare ne gnokro ka tothoghei.

Luku 9:17

Naikno te gnafare ne kafe ghamu ne boho. Eghuteuna mae fanomhore ne salo fodu vido gano teke salaꞌui re, ne fafofodu nabotho phei khara'o.

Jone 6:11

Aonu, mae Jisas ne atha glima bret re, ne cheke fakelidi ka God, mana tusu lao ka mae fanomhore mala tufa ka naiknore. Mana jaola ka phei sasare, eghuteuna naiknore kafe ghamu ne boho.

Jone 6:23

Aonu, keha molare ne mei funudi Taebirias. Mare mei ne longa ka vido aheva mae Jisas teke cheke fakelini ka God u gano teke ghamu naiknora.

Mae Khuru 27:35

Ke leghudi cheke igre, mae Pol hata bret na ne cheke fakelini ka God ke uludi mare hui. Mana piepike bret na ne ghamu.

Letas Teke Riso Tei Mae Pol Ka Khiloau Rom 14:6

Mae ihei te ghathoni kaisei narane na ulu fara teuna, mana eni igne naugna mana ghatho tahuni Lord. Eghuteuna mae ihei te ima thua nafnata gano na, mana eni igne naugna mana ghatho tahuni Lord, eghuteuna mana jaola cheke fakelini God eigna gano tuana. Eghuteuna mae ihei te theome ima thua nafnata gano na, mana eni igne naugna mana ghatho tahuni Lord, nei jaola cheke fakelini God eigna gano tuana.

Ululahu Korin 10:30

Iara tangomana te cheke fakelini God eigna gano tuana. Eghume naugna unha si keha naikno gre te cheke fanogra ghau iara eigna glepo teke cheke fakelinihi ka God gnea?”

Ululahu Korin 11:24

neke cheke fakelini ka God. Mana piepike bret na ne tusu ranghidi nogna mae fanomhore neke cheke eghu, “Igne thinigu iara na malami ghotilo. Hata ima, mala ghatho fapulo ghau iara.”