Luku 8:9 - Buka Blahi Ka Cheke Holo

⁹ Hatimare nogna mae fanomho mana re mei ne ghusna ka mae Jisas gaoghathogna cheke naba eidi sisi igre.

Luku 8:9 Iomraidhean Croise

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Matiu 13:10

Hatimare mae fanomhore mei ne ghusna eghu ka mae Jisas, “Naugna unha site cheke naba iagho ka naikno grea?”

Matiu 13:18

“Famane fanomho fakeli ka gaoghathogna cheke naba eigna mae te joꞌu sisi ka nagare igne.

Matiu 13:36

Mae Jisas jifla kokoni nakhapru na ne tei ruma ka suga na. Nogna mae fanomho mana re mei ne cheke eghu ka mana, “Ghema, rurutha ranghi ghami gaoghathogna cheke naba eigna sokiaro ka nagare na igne.”

Matiu 15:15

Mae Pita ne cheke eghu ka mana, “Rurutha sagho ka ghehati gaoghathogna cheke naba igne.”

Nonomho Te Keli Teke Risoi Mae Mak 4:10

Kate au sopa teu mae Jisas na, keha naikno teke nomhidi nogna cheke mana igre, mare ne mei baludi nabotho phei mae fanomho gre, ne ghusna ka mana gaoghathodi cheke naba igre.

Nonomho Te Keli Teke Risoi Mae Mak 4:34

Mana farirhiudi koba ka cheke naba. Nu kate au sopa teu baludi nogna mae fanomhore mae Jisas rurutha gobigna lepo igre ka mare.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.