Luku 8:52 - Buka Blahi Ka Cheke Holo

⁵² Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”

Luku 8:52 Iomraidhean Croise

Jenesis 23:2

Naꞌa neke lehe ka kantri Kenan ka namono Kiriat Araba, fapea nanghagna na Hebron. Mae Ebraham ne thofno au diꞌanagnafa ne tanhi ni Sera.

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Matiu 11:17

“ ‘Ghehati koje ka nifu mala gleale'a nei ragi eghu ghotilo, nu ghotilo tiromi ragi kolho. Ghehati kojeni khoje te mala diꞌanagnafa na, nu ghotilo tiromi diꞌanagnafa nei tanhi eghu kolho.’

Luku 23:27

Kmana naikno ne tei balugna mae Jisas. Keha naikno biꞌo te tei baludi mare re diꞌanagnafa ne tanhini mae Jisas.

Luku 23:48

Kmana naikno ne mei mala filoni unha te eni igne. Kate filoni igne, mare tapodi babangodire, naugna mare diꞌanagnafadi fara neke figri ka sugadire.

Luku 8:51

Kate tei te posa ka suga mae Jaerus na, mae Jisas ne theome snakredi naiknore te ruma balugna kau chogho te au sua gaꞌase na. Nu mae Pita, mae Jemes, mae Jone nei idogna kmagna teure ngala te ruma balugna re.

Luku 8:53

Naiknore ne funu maꞌeni mae Jisas, naugna mare lasenihi tela lehehi sua gaꞌase na.

Jone 11:4

Kate nomhini mae Jisas nonomho igne mana ne cheke eghu, “U fogra tuana theome mala lehe mae Lasaros, nu mala filoni naiknore nogna nolaghi biꞌo God na. Eghuteuna mala laseni naiknore iara mae Thugna mana na jaola au nolaghi biꞌo jateula mana eghu.”