Luku 8:49 - Buka Blahi Ka Cheke Holo

⁴⁹ Kate facheke nga teu mae Jisas ka naꞌa na, kaisei mae ne mei ka mare funu ka sugagna mae Jaerus mae biꞌo gna suga tharai na. Mana ne cheke eghu ka mae Jaerus, “Ghema, thumu gaꞌase iagho na la lehehi! Thosei fagloku biꞌoni mae velepuhi na.”

Luku 8:49 Iomraidhean Croise

Profet Isaia 7:12

Nu mae Ehas tirogna ne cheke eghu, “Theo, iara ginauna theome fariuriuni Lord jateula tuana teuna.”

Matiu 26:10

Nu mae Jisas ne laseni unha te chekeni mare na, ne cheke eghu ka mare, “Naugna unha si ghotilo te diꞌatami ka gaꞌase ignea? Naꞌa eni glepo te keli fara igne ranghi ghau iara.

Matiu 9:18

Fari hoteigna te facheke teu mae Jisas ka naiknore, kaisei mae biꞌo gna Kapanam ne mei tuturupuku soru ke ulugna mana, ne cheke eghu, “Thugu gaꞌase iara na la lehehi ginei. Nu iagho tangomana te mei habo lao khamemu na, mala ke karha fapulo naꞌa.”

Nonomho Te Keli Teke Risoi Mae Mak 5:22

Kaisei mae biꞌogna suga tharai na ne mei mala filoni mae Jisas, nanghagna mae igne, mae Jaerus. Mana mei ne tuturupuku ke ulugna mae Jisas.

Luku 11:7

Mae kheramu iagho te au lamna suga na mana ginauna cheke eghu, ‘Ghema! Thosei fagloku biꞌo ghau iara! Grengatha na la bobothohi, eghuteuna iara baludi thugure la thuru nomihi gognaro na. Iara theome tangomana te kegra haghe te tusu ari ka iagho kaisei gano na.’

Luku 7:6

Aonu mae Jisas ne tei baludi mare. Kate tei te namo posa mae Jisas ka sugagna mae biꞌo na, mae biꞌo na ne kurudi keha mae ne mei cheke eghu ka mae Jisas, “Funei, mae biꞌo na ne cheke eghu, ‘Thosei fagloku biꞌo nigho te mei ka sugagu iara na. Naugna iara theome nabagu te ruma iagho ka sugagu na.