Luku 8:47 - Buka Blahi Ka Cheke Holo

⁴⁷ Kate laseni nate filo deni mare na, naꞌa mhaghu nogna fara ne mei balu fififri ne tuturupuku soru ke ulugna mae Jisas. Kate kafe fanomho teu naiknore, naꞌa ne cheke thakleni eigna unha te mei naꞌa te haboni mae Jisas na. Naꞌa ne chekeni la kate haboni mae Jisas na, naꞌa ghosei neke keli fapulo nogna.

Luku 8:47 Iomraidhean Croise

Nodi Khoje Hatimare Mae Jiu 2:11

Ghotilo mala pogho soru ranghini Lord, nei fafnaknoni eghu mana.

Nodi Khoje Hatimare Mae Jiu 38:9

Lord, iagho laseni te magnahaghei mafo iara na. Iagho nomhidi te tanhi iara kate kabru ghegu gre.

Nodi Khoje Hatimare Mae Jiu 66:16

Ghotilo naikno te ghatho tahuni God ra mei mala fanomho ka nogu cheke iara gne. Iara na toutonudi ka ghotilo unha glepo teke edi mana ka iara re.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Hosia 13:1

Tifa na kaisei vikegna mae Ifreim kolho teke mala cheke na. Eghuteuna keha nabotho kaisei vikere neke mhaghu neke ghatho tahudi mae igre, naugna mare mae nheta fara. Nu mae igre gognarona tapla jafra ka nakhibo naugna mare pogho soru ka mumuju Baal. Naugna igne, mare jateula mae tela lehehi ra eghu.

Profet Hosia 5:3

Iara lasedi puhimi ghotilore. Eigna ghotilo maemi Israel igre theome tangomana te poru ka iara na. Eghuteuna ghotilo theome nabami te mei tarai ka iara agne na. Naugna ghotilo la thonahi ke ulugu iara la tei koko ghau iara jateula gaꞌase vine tela tei kokonihi khetogna ra neu.”

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Matiu 28:8

Aonu, repa ghosei chari ne tei funu ka gluma na. Repa mhaghu nodi fara, nu repa jaola thono gleale'a fara. Aonu repa chari ne tei ne toutonu ka nogna fanomho mae Jisas re.

Nonomho Te Keli Teke Risoi Mae Mak 5:33

Naikno biꞌo na laseni te kela keli fapulo na. Eghuteuna naꞌa mei ne tuturupuku ke ulugna mae Jisas. Naꞌa mhaghu fara balu fififri. Aonu naꞌa ne toutonudi ka mana unha teke eni ka naꞌa na.

Luku 8:46

Nu mae Jisas ne cheke eghu, “Tutuani, kaisei naikno ne habo ghau iara! Iara haimini nogu nolaghi na ne jifla mei mala fakelini kaisei naikno.”

Luku 8:48

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Mae Khuru 16:29

Mae greireghi suga sosolo na ne ehadi keha naiknore mala hata mei juta. Aonu mana chari ne tei lamna suga sosolo ne tuturupuku soru balu fififri ke uludi mae Pol ghe mae Silas naugna mana ne thono mhaghu nogna fara.

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.

Fapea Korin 7:15

Nogna namha mae Taetus gognaro na biꞌo fara ranghi ghami naugna mana ghatho fapuloni eigna ghotilo te tarabana mala leghuni mana na. Tutuani, ghotilo tajini nei ghatho tahuni eghu mana balu mhaghu.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”