Luku 8:43 - Buka Blahi Ka Cheke Holo

⁴³ Kaisei naikno biꞌo ke lamnadi naikno igre, naꞌa dadara fabrahu nabagna nabotho phei finogha. Naꞌa koko fahui nogna silenire ka hatimare mae dokta, nu theo kaisei mae dokta tangomana te fakelini naꞌa na.

Luku 8:43 Iomraidhean Croise

Fapea Kronikols 16:12

Kate tolufulu nheva finogha te king mana igre, mana ne thokeni kaisei fogra ka ghahegna na. Neuba fogra igne te thono diꞌa fara, mana theome toreni Lord mala toghoni. Nu mana tei kolho ka dokta.

Thoutonu Eigna Mae Job 13:4

Ghotilo thilo mae igre theome laseni kaisei glepo kolho, ghotilo thilo mae igre eni nomi chaichaghi na mala pophoru unha te tutuani na. Ghotilo thilo mae igre jateula thilo mae dokta te theo nafudi ra eghu kolho.

Nodi Khoje Hatimare Mae Jiu 108:12

Togho ghami ghehati sagho mala magra ghehati ka mae naoka gre, naugna nodi thotogho naiknore theo nafudi kolho.

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Nonomho Te Keli Teke Risoi Mae Mak 12:44

Naugna mae te dedei igre au nodi kmana sileni. Mare tusu ranghini God kolho unha te salaꞌui na. Naikno biꞌo igne thono kuma fara, nu naꞌa koko fahui unha teke au ka naꞌa na eghu. Eghuteuna naꞌa magnahagheini fara sileni tuana malagna nakarhagna thegna na.”

Nonomho Te Keli Teke Risoi Mae Mak 9:18

Naitu na mei faheta ka mana eghuteuna khoko soruni mana pari ka glose na. Mae thugu iara na soru khuokucho ka foflogna na balu fakroekroe khe'i nei maku fara thinigna na eghu. Iara neke toredi nou mae fanomho iagho gre mala brueni naitu na, nu mare ne theome tangomana kolho te eni na neku!”

Luku 13:11

Lamna jare na au kaisei gaꞌase te au kaisei naitu tagna. Naitu igne fablughuni naꞌa nabagna nabotho nhana finogha. Eghuteuna thagrugna gaꞌase igne pogho fara, theome tangomana teke doglo na.

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”

Luku 8:27

Kate longa mae Jisas na, kaisei mae te au naitu na mei ne thafoni mana. Funu tifa te ghilei mei thokei narane igne mae tuana theo kaisei pohe ka thinigna na, nei mana jaola theome au snoto lamna suga. Nu mana au fabrahu kau gluma te mala lilisei thinidi naikno te lehere.

Luku 8:42

Mana ne eni igne, naugna kaisei ngala thugna gaꞌase mana te nabotho phei finogha gna kolho igne ne namo lehehi. Mae Jisas ne magnahaghei ne tei ka sugagna mae Jaerus na. Kate funu nolo te tei mae Jisas na, kmana naikno ne fahuahuta ne tei fari thedi rhegna mana, naugna mare magnahaghei te mei ka mana.

Luku 8:44

Eghuteuna naꞌa ne mei ke leghugna mae Jisas ne habo ka nogna khukru pohe mana na. Ka vido tuana dadara na ghosei ne noto.

Jone 9:1

Mae Jisas tei ne filoni kaisei mae teke karha dofu.

Jone 9:21

Nu ghepa theome laseni ne faneha neke keli nga mana phei tathagnare teuna, nu ghepa theome laseni mae ihei teke fakelidi phei tathagnare. Tei si ghotilo ghusnani mana mala toutonu mana thegna, mana theome mae sua.”

Mae Khuru 3:2

Kaisei mae te lehe ghahegna na funu suagna na, mana gnokrou jare ka grengathagna Sugablahi te kiloni mare, “U grengatha khuakhuda.” Leuleghu narane na mae kheragnare pala tei koba jare mala tore sileni ka naikno te tei tarai ka Sugablahi na.

Mae Khuru 4:22

Mae teke keli fapulo igne mana fogra funu tifa. Eghuteuna gognaro na la phiatutu finogha gnahi.