Luku 8:25 - Buka Blahi Ka Cheke Holo

²⁵ Ke leghugna igne, mae Jisas ne cheke eghu ka mae fanomhore, “Ba, tore, aheva si nomi fatutuani ghotilo na ia?” Nu hatimare ne mhaghu nei jaglo nodi ne cheke eghu fari thedi, “Tore, unha nafnata mae si ignea? Nuri ba ne galo ne faꞌuveni ngala chekegna mana na!”

Luku 8:25 Iomraidhean Croise

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Proveb 8:29

Iara neke kulu auhi neke au nga nohi te mala mei snotogna thongna gne mala thosei haghe salaꞌuni vido aheva teke chekeni mana kani neke horo famaku nauthoglu igne ka mala augna na.

Matiu 14:31

Mae Jisas ngafa lao ne loku ka mae Pita. Mae Jisas ne cheke eghu ka mana, “Ghema, nou fatutuani iagho na ikoi fara! Thosei ghatho peapea!”

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Matiu 6:30

Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!

Matiu 8:10

Kate nomhini cheke igne, mae Jisas ne jaglo nogna fara ka mana. Mana figri ne cheke eghu ka naikno teke leghuni mana re, “Icho idomi! Tuani fara, te chekeni iara ka ghotilo na, iara neke theome filodeni kaisei naikno te biꞌo nogna fatutuani na jateula mae igne eghu agne Israel.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Nonomho Te Keli Teke Risoi Mae Mak 4:35

Ka grafi tuana mae Jisas ne cheke eghu ka nogna mae fanomhore, “Tahati na kasa mala tei ka keha phile kholo gno.”

Luku 12:28

Sisi te au tafri are reꞌe tangomana te au katha vido kmoꞌei kolho, eghuteuna ke leghugna igne, mare ginauna koko lao ka khaꞌaghi sisi tuare. Nu neuba reꞌe ne eghu ngau, God tusu ranghidi glepo te mala keli fara fifilodire. Eghume God na theome ghatho iho ghami ghotilo, nu mana ginauna na tusu ranghi ghami ghotilo unha te magnahagheni ghotilo na. Tore, nomi fatutuani ghotilo na ikoi fara!

Luku 8:24

Mae fanomhore mhaghu ne tei fadofrani mana, ne cheke eghu ka mana, “Mae funei, mae funei, tahati la namo lehe!” Aonu mae Jisas kegra haghe ne cheke faheta ka nuri na, nei ke jaola ka galore. Eghuteuna nuri na ghosei ne snoto, nei kholo na neke beata.

Luku 8:26

Mae Jisas ne kasa baludi nogna mae fanomhore ka kholo na funudi ka Provins Galili. Mare mei ne longa ka nohi Gerasa.

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”