Luku 8:24 - Buka Blahi Ka Cheke Holo

²⁴ Mae fanomhore mhaghu ne tei fadofrani mana, ne cheke eghu ka mana, “Mae funei, mae funei, tahati la namo lehe!” Aonu mae Jisas kegra haghe ne cheke faheta ka nuri na, nei ke jaola ka galore. Eghuteuna nuri na ghosei ne snoto, nei kholo na neke beata.

Luku 8:24 Iomraidhean Croise

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.

Profet Isaia 50:2

Kate mei iara na, iara theome filoni kaisei naikno jare. Kate eha iara na, theo kaisei naikno te cheke tughu na. Ba, na theome fakarhi ghami iara neu si ghotilo ia? Ba, ne theo kaisei nogu nolaghi iara te mala fakarhi ghami na neu si ghotilo ia? Filo si ghotilo, kate cheke kolho iara na nhorora biꞌo na ginau moja, khoꞌure ginauna jaola figri ke kaisei namono nagou, eghuteuna sasare ginauna kafe lehe.

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Profet Nahum 1:4

Kate cheke mana ka thongna na, thongna na ginauna moja. Mana jaola tangomana te cheke ranghidi khoꞌure mala moja. Nohi Besan, nei Thogele Kamel teu igre ginauna kafe moja, eghuteuna sisi te au ka Thogele Lebanon na igre ginauna kafe lehe.

Matiu 14:30

Nu kate filoni mae Pita nuri blahi nei galo teuna, mana mhaghu fara ne funu plulu soru. Mana ne eha eghu fabiꞌo ka mae Jisas, “Lord, fakarhi ghau!”

Matiu 8:25

Mae fanomhore tei ka mana ne fadofrani mana, ne cheke eghu, “Lord, fakarhi ghita sagho, tahati gne na lodu knoho!”

Nonomho Te Keli Teke Risoi Mae Mak 4:39

Mae Jisas kegra haghe ne cheke faheta eghu kau nuri blahi nei galo teure, “Megeu nei muana eghu!” Nuri na ne snoto, eghuteuna kholo na ne beata fara.

Luku 4:35

Mae Jisas ne cheke faheta eghu ka naitu na, “Megeu! Jifla mei sagho ka mana!” Naitu na ne koko soruni mana ke uludi mare, ne jifla ka mana, nu naitu na ne theome fadiꞌani mana.

Luku 4:39

Mae Jisas ne tei kegra rhegna sape naikno biꞌo na ne cheke faheta ka fogra na. Eghuteuna, fagrutu na ne gnafa ka naꞌa. Aonu naꞌa ghosei ne kegra haghe ne faghedi gano mare.

Luku 5:5

Mae Simon ne cheke eghu ka mana, “Velepuhi, gloku biꞌo tela edi ghehati bongi brahu gne nu braku kolho eghu. Nu iara na koko soru fangna gre naugna iagho ne cheke ranghi ghau iara.”

Luku 8:25

Ke leghugna igne, mae Jisas ne cheke eghu ka mae fanomhore, “Ba, tore, aheva si nomi fatutuani ghotilo na ia?” Nu hatimare ne mhaghu nei jaglo nodi ne cheke eghu fari thedi, “Tore, unha nafnata mae si ignea? Nuri ba ne galo ne faꞌuveni ngala chekegna mana na!”