Luku 8:2 - Buka Blahi Ka Cheke Holo

² nei keha gaꞌase langau eghu ne tei balugna mana. Eghuteuna gaꞌase igre mana neke fakarhidi ka naitu nei kau kmana nafnata khabru. Kaisei na Meri, naꞌa thau gna Makidala, mana neke brue fajifladi fitu naitu ka naꞌa tifa.

Luku 8:2 Iomraidhean Croise

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Nonomho Te Keli Teke Risoi Mae Mak 16:1

Kate gnafa narane Sabat na, Meri gna Makidala nei Salome nei Meri idogna mae Jemes ne foli keha sedi mala tofa ka thinigna mae Jisas na.

Nonomho Te Keli Teke Risoi Mae Mak 16:9

Kate karha fapulo hamerane Sade na, mae Jisas ne kulu thakle ka Meri Makidala. Thau teke brue fajifladi mana fitu naitu teke au ka naꞌa tifa ra.

Luku 23:27

Kmana naikno ne tei balugna mae Jisas. Keha naikno biꞌo te tei baludi mare re diꞌanagnafa ne tanhini mae Jisas.

Luku 23:49

Thofno kheragna mae Jisas baludi keha gaꞌase teke leghuni mana funu Galili gre kegra filo neu delei.

Luku 23:55

Goro gaꞌase teke mei balugna mae Jisas funu Galili igre ne tei ke leghugna mae Josep ka gluma na mala filoni aheva nate lilisei thinigna mae Jisas na.

Luku 8:30

Mae Jisas ne ghusna eghu ka mana, “Iagho mae ihei nanghamu na?” Aonu mana ne cheke eghu, “Iara nanghagu na ‘Mae Thara.’ ” Naugna kmana naitu fara te au ka mana re.

Jone 19:25

Naikno kegra teu rhegna gaju fafatha mae Jisas na igre: idogna mae Jisas, tahigna idogna mana na, Meri khetogna mae Klopas, nei Meri gna Makidala.

Mae Khuru 1:14

Mare te gnafa na ne kaisei salo fodu ne tarai fabrahu baludi goro gaꞌase, nei Meri idogna mae Jisas, nei hatimare mae thabusigna mae Jisas re.