Luku 8:15 - Buka Blahi Ka Cheke Holo

¹⁵ Nu sisi te soru kau glose te keli igre eidi iheire te fanomho ka cheke na, eghuteuna loku famaku ka nagnafadi te klino nei tutuani teure. Eghuteuna mare leghuni chekegna God na ne heta ghedi ne ghilei au sisi te keli.”

Luku 8:15 Iomraidhean Croise

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Jeremaea 32:29

Maedi Babilonia igre ginauna thofno nako fahui namono biꞌo igne baludi gobigna lepo fateote'o te au ke lamnagna. Naugna naikno gna namono igne ne tei horo olta ke kligna suga nei gahu insens ka god Baal, nei tofa waen ka mumuju. Puhi te eni naiknore igne te thono diꞌa taguni fara iara na.

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

Luku 8:14

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.

Luku 8:16

Eghuteuna mae Jisas ne cheke eghu, “Theo kaisei mae te fakasa juta na te toku tafru ke pari khara'o na, ba lilisei ke pari sape. Nu mana na lilisei ka vido te mala augna na, eghuteuna naikno te ruma ka suga tuana na fifilo fakeli eigna naphae tuana.

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Letas Teke Riso Tei Mae Pol Ka Khiloau Rom 7:18

Iara laseni, fei iara thegu na, iara maegu ka nauthoglu igne kolho, theo kaisei glepo te keli te au ke lamnagu iara na. Naugna neubane au ka iara gaoghatho te keli na, iara theome tangomana te eni puhi te keli na. Theo fara, iara theo nogu nolaghi te mala eni puhi te doglo na.

Letas Teke Riso Tei Mae Pol Ka Khiloau Rom 7:4

Eghume ghotilo kheraguro, naugna Kraes neke lehe ke kligna gaju fafatha, nogna vetula mae Moses na theo kaisei nolaghi ke klignada. Tahati snaglahi ka vetula tuana jateula kaisei gaꞌase tholaghi te snagla ka vetula gna tholaghi ke leghu glehegna khetogna na. Naꞌa tangomana teke tolaghi ka kaisei mae delei na. Tutuani, gognaro na tahati kaisei ka Kraes mae teke karha fapulo ka glehe ia mala tangomana tahati te loku fakeli ranghini God na.

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Diutronomi 30:6

Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Jemes 1:4

Thosei blogho ka nomi fatutuani na, mala au doglo fabrahu ke ulugna God. Te eghu na God ginauna na tusu ranghi ghami ghotilo unha te magnahagheni ghotilo na mala au rheta balugna Kraes.

Ululahu Jone 2:3

Te leghuni tahati unha te magnahaghei God na, tahati thofno laseni mana.