Luku 7:50 - Buka Blahi Ka Cheke Holo

⁵⁰ Mae Jisas ne cheke eghu ka naikno biꞌo na, “Iagho fatutuani ghau iara. Naugna igne iara ne fakarha nigho ka nakhibo. Jifla tei kau pharikeli.”

Luku 7:50 Iomraidhean Croise

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Matiu 9:22

Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Nonomho Te Keli Teke Risoi Mae Mak 10:52

Aonu, mae Jisas ne cheke eghu ka mana, “Keliu ngala, tei sagho, naugna nou fatutuani iagho na teke fakeli nigho na.” Ka vido tuana mana ghosei ne fifilo fakeli ne tei ke leghugna mae Jisas ka nabrou na.

Nonomho Te Keli Teke Risoi Mae Mak 5:34

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Luku 17:19

Aonu, gnafa teuna mae Jisas ne cheke eghu ka mana, “Kegra haghe tei nou. Iagho kela keli fapulo naugna iagho ne fatutuani ghau iara.”

Luku 18:42

Mae Jisas ne cheke eghu ka mana, “Ke fifilo silagho. Nou fatutuani iagho na teke fakeli nigho na.”

Luku 7:9

Kate nomhini cheke igne, mae Jisas ne jaglo nogna fara ka mana. Mana figri ne cheke eghu ka naikno teke leghuni mana re, “Icho idomi! Tuani fara, te chekeni iara ka ghotilo na, iara neke theome filodeni kaisei naikno te biꞌo nogna fatutuani na jateula mae igne teu agne Israel.”

Luku 8:18

Naugna te eghu tuana me, ghotilo faghano fanomho fakeli ka cheke igre. Naugna mae ihei te au nogna glepo na, God ginauna nake tusu ranghini mana keha glepoi. Nu mae ihei te theo nogna glepo na, neubane katha ikoi kolho te au ka mana na, God ginauna nake hata fadelei ka mana.”

Luku 8:42

Mana ne eni igne, naugna kaisei ngala thugna gaꞌase mana te nabotho phei finogha gna kolho igne ne namo lehehi. Mae Jisas ne magnahaghei ne tei ka sugagna mae Jaerus na. Kate funu nolo te tei mae Jisas na, kmana naikno ne fahuahuta ne tei fari thedi rhegna mana, naugna mare magnahaghei te mei ka mana.

Luku 8:48

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Ululahu Samuel 1:17

Aonu mae Eli ne cheke eghu ka Hana, “Iara toreni noda God tahati maeda Israel mala tusu ranghi nigho unha te toreni iagho na.”