Luku 7:47 - Buka Blahi Ka Cheke Holo

⁴⁷ Uve, naikno biꞌo igne au kmana nakhibogna fara. Nu te chekeni iara ka iagho na, iara la hata fadeleihi nakhibognare. Naugna naꞌa ne namha ghau fara iara. Nu ihei te theome kmana nakhibogna te mala hata fadelei iara na, mana theome tangomana te namhadi fara keha naiknore.”

Luku 7:47 Iomraidhean Croise

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Profet Maeka 7:19

Lord, ghehati lase nigho iagho te kokhoni ghami ghehati, eghuteuna iagho ginauna atha fadelei nakhibomi ghehati gre mala koko tei fari hotei nhorora.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Luku 7:46

Iagho theome dadalu pha'ugu iara na ka sedi, eghuteuna naꞌa ne dadalu ghahegu iara re kau kholo te sisiri keligna igne.

Luku 7:48

Gnafa teuna mae Jisas ne cheke eghu ka naꞌa, “Naikno biꞌo, iara la hata fadeleihi nakhibomu iagho re.”

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Letas Teke Riso Tei Mae Pol Ka Khiloau Rom 5:20

God neke tusu mei ka mae Moses u vetula na mala thofno laseni naiknore nodi najafra biꞌo na. Kate edi kmana najafra naiknore, nogna khokofakasai God na biꞌo ne salaꞌui ranghidi naiknore.

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Efesus 6:24

Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Ululahu Timoti 1:14

Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.

Ululahu Jone 4:19

Tahati namha, naugna God neke kulu namha ghita.

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.