Luku 7:39 - Buka Blahi Ka Cheke Holo

³⁹ Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Luku 7:39 Iomraidhean Croise

Fapea Kings 5:20

mae Gehasi, nogna mae gloku mae Elisa igne ne ghaoghatho eghu ka nagnafagna thegna na, “Nogu mae funei iara gne snakreni mae Naman maegna Siria igne neke tei kolho. Mala unha si mana te theome hata glepo teke magnahaghei tufa mae Naman ka mana ra? Ka nanghagna Lord te karha te tifa, iara cheke tutuani fara, iara na ngolho tei ke leghugna mae Naman, eghuteuna iara ginauna hata keha glepo ka mana.”

Proveb 23:7

Jame te ghamu iagho balugna na, mana ginauna na cheke eghu ka iagho, “Ghamu nei koꞌu eghu leghuni unha te magnahagheni iagho na.” Nu nogna cheke mana igre theome tutuani. Ka gaoghathogna mana na, mana lasedihi niha gano nate tufa ka iagho na.

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Matiu 20:16

Aonu, leghu lahu na mae Jisas ne cheke eghu, “Eghume, kmana naikno te au leghu lahu ka nakarha gognaro gne nake au ului. Eghuteuna kmana naikno te au ulu ka nakarha gognaro gne nake au leghui.”

Matiu 21:11

Naiknore ne cheke eghu, “Jisas, profet gna Nasaret ka nohi Galili.”

Nonomho Te Keli Teke Risoi Mae Mak 7:21

Naugna glepo te diꞌa igre jifla mei funu lamna ka nagnafagna naikno na: gaoghatho te diꞌa, mhala, blau, falehe naikno, tolaghi pedo,

Luku 12:17

Aonu mae te dedei igne ne ghaoghatho eghu ka nagnafagna thegna na, ‘Tore, na faꞌunha eghu iara ginauna? Iara theo kaisei vido naba te mala liliseidi nogu bukrei gano gre. Uve, igne unha nate eni iara na. Iara ginauna paꞌe soru suga ikodi teke nanhaꞌa gano iara ke lamnadi igre, eghuteuna iara ginauna hohoro suga majaghani ke biꞌodi igrei. Ke leghugna igne iara ginauna lilisei nogu ganore ke lamnadi suga majaghani tuare baludi la keha nogu glepore.

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 16:3

“Mae funei gloku na ne cheke eghu ka gaoghathogna thegna na, ‘Na faꞌunha eghu si iara gnea tore? Nogu mae funei iara gne ginauna na fagnafa ghau iara ka nogu gloku gne. Iara gne theome nheta te mala loku ka nagare te mala hata sileni na, eghuteuna iara mamaja nogu fara te tore sileni ka naiknore.

Luku 18:4

“Nu mae fate igne ne tirogna toghoni naikno biꞌo na. Leghu lahu na, mae fate igne ne cheke eghu ka gaoghathogna thegna na, ‘Tore, iara babaꞌo nogu fara ka unha te chekeni koba naikno biꞌo igne. Nu neuba ngau iara ne theome ghatho tahuni God nei theome ghatho tahudi naiknore neu,

Luku 3:8

Koko si ghotilo puhimi te diꞌare mala jateula sisi te keli eghu ka nakarhami are fagaglana gna u nakarha majaghani na. Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te hohoro vikegna mae Ebraham ka thina te filodi ghotilo igre!

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 7:37

Aonu, kaisei naikno biꞌo te gnognoro fara ne nomhini mae Jisas te ima teu ka suga tuana. Aonu naꞌa ne hata kaisei botol thina te fodu ka kholo te sisiri keligna.

Luku 7:38

Naꞌa kegra ke leghugna mae Jisas ne tanhi neu. Naꞌa ne fabobothu ka kholo tathagnare phei ghahegna mae Jisas re. Eghuteuna naꞌa tuturupuku soru ne famomoja ka khaklagna thegna te brahure ne gnangho fabrahu. Jaola naꞌa totofa kholo te sisiri keligna na ke klignadi.

Luku 7:40

Mae Jisas ne cheke eghu ka mana, “Ghema Simon, iara magnahaghei te chekeni kaisei glepo ka iagho.” Mae Simon ne cheke eghu ka mae Jisas, “Uve, velepuhi, facheke sagho.”

Jone 4:19

Gaꞌase na ne cheke eghu ka mana, “Mae biꞌo, iara ao la filo glani nigho nga, iagho kaisei mae profet!

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”