Luku 7:14 - Buka Blahi Ka Cheke Holo

¹⁴ Aonu, mana lao ne habo ka glele na. Hatimare mae teke pala re ne kegra snoto. Mae Jisas ne cheke eghu ka masitei na, “Mae majaghani! Te chekeni iara ka iagho na, ‘Ke karha fapulo sagho!’ ”

Luku 7:14 Iomraidhean Croise

Ululahu Kings 17:21

Eghuteuna mae Elija ne thuru ke kligna gna mae sitei na thilo fata. Mana ne tarai ka Lord, “Lord, nogu God, iagho ke tusu fapulo nakarha na ka mae sitei igne.”

Ululahu Kings 17:22

Aonu Lord ne nomhini nogna tharai mae Elija igne, eghuteuna mana neke tusu fapulo nakarha na ka mae sitei igne neke keli fapulo!

Thoutonu Eigna Mae Job 14:12

kate lehe na naikno na theome tangomana na teke kegra haghe na. Uve, jame te lehe na mana theome tangomana na teke dofra haghe na ghilei thokeni narane nate dofini maloa gne.

Thoutonu Eigna Mae Job 14:14

Ba, jame te lehe naikno na, mana ginauna tangomana na teke karha fapulo na? Jame te eghu na, iara ginauna ofou ghilei thokeni narane ari te gnafadi nogu puhi biꞌo iara re.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Profet Isaia 26:19

Ghotilo nogu naikno iara ra! Kherada teke lehehi tifa ra, ginauna nake karha fapulo kau glehe. Ghotilo iheire te thuru lamna beku ra, ghotilo ginauna dofra haghe glealeꞌa. Jateula nakhete bongiro te soru mei teke pila nei majaghani fapulo teu glosera eghu, jateula tuana eghu Lord ginauna nake fakarhidi iheire teke lehehi ra.

Nonomho Te Keli Teke Risoi Mae Mak 5:41

Mae Jisas loku ka khamegna sua gaꞌase na ne cheke eghu ka naꞌa, “Talita kum!” Gaoghathogna na, “Gaꞌase ikoi, te chekeni iara tamu na, kegra haghe gognaro la!”

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Luku 7:15

Mae sua teke lehe na gnokro haghe ne vuha facheke. Aonu mae Jisas neke snakre fapuloni ka idogna na.

Luku 7:17

Nonomho eigna mae Jisas igne ne tei tongana ka namono te gnafa ka Provins Judia nei ka keha namono langau ka keha provins rhegna Judia.

Jone 11:25

Mae Jisas ne cheke eghu ka naꞌa, “Uve, kaisei iara ngala te tusu lao u karha ka naikno te lehe na mala teke karha fapulo na. Nu ihei te fatutuani ghau iara na, neubane lehe mana ginauna karha fabrahu.

Jone 5:21

Mae Kmagu iara na tangomana teke fakarha fapulodi naikno teke lehehire. Eghume iara mae Thugna na ginauna eghu la ke tusu lao u karha ka iheire te vahidi iara re.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Letas Teke Riso Tei Mae Pol Ka Khiloau Rom 4:17

Jateula te chekeni ka grioriso te blahi na, “Iara vahi nigho mala ku'edi vike te kmanare.” Eghume te laseni tahati na mae Ebraham gne thofno mae kuꞌeda tahati te fatutuani ni God. Tutuani fara, God na au nolaghi te mala tusu lao karha ka iheire tela lehehi nei au nolaghi te mala vavuha glepo te theome vavuha nga teu.

Efesus 5:12

Glepo te edi poru naiknore igre, neubane chekeni kolho tahati, thono mamaja noda ni fara.