Luku 7:13 - Buka Blahi Ka Cheke Holo

¹³ Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Luku 7:13 Iomraidhean Croise

Nodi Khoje Hatimare Mae Jiu 103:13

God na jateula tahati te kokhonidi thudara eghu e kokhoni ghita tahati naikno te ghatho tahuni mana na.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Nonomho Te Keli Teke Risoi Mae Mak 8:2

“Iara kokhoni nogudi fara naikno igre, naugna mare la auhi baluda tahati nabagna thilo narane, eghuteuna gognarona mare theo kaisei gano te mala ghamu na.

Luku 10:1

Ke leghugna igne, mae Jisas ne vahidi keha fitusalei phei mae. Mana ne kuru fajifladi mala tei peapea mare ke ulugna mana ka namono biꞌo ba ka namono te ikodi te mala tei mana ginauna.

Luku 11:1

Kaisei fata mae Jisas tarai neu ka kaisei vido. Kate gnafa tarai mana na, kaisei mae ka hatimare mae fanomhore ne cheke eghu, “Lord, farirhiu ghami te mala tarai na, jateula mae Jone teke farirhiudi nogna mae fanomho ra eghu.”

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Luku 13:15

Mae Jisas ne cheke eghu ka mana, “Ghotilo gne lase chaghi fara. Ghotilo te gnafa na, neubane narane Sabat, ghotilo rurutha gnarhodi nomi buluka ba dongki re, eghuteuna batuni tei mala koꞌu reꞌe ka narane tuana.

Luku 17:5

Hatimare mae khurure ne cheke eghu ka mae Jisas, “Lord, farerhetadi nomi fatutuani gre.”

Luku 17:6

Mae Jisas ne cheke eghu ka mare, “Neubane ikoi fara nomi fatutuani ka God na ne jateula sisi gaju mastad neu, ghotilo tangomana te cheke eghu ka gaju biꞌo na, ‘Krathu balu glathimu tei kegra ka thongna gno’ teu ghotilo na, gaju biꞌo tuana ginauna leghuni unha te chekeni ghotilo na.

Luku 18:6

Gnafa teuna, mae Jisas ne cheke eghu ka mare, “Ghotilo la nomhinihi unha te chekeni mae mala fate ia, neuba mana ne theome doglo puhigna na.

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Luku 22:61

Ka vido tuana la mae Jisas ne figri ne filo lao ka mae Pita. Aonu ka vido tuana mae Pita neke ghatho fapuloni unha teke cheke eghu mae Jisas na, “Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Luku 24:3

Eghuteuna, rehati ruma lamna ka gluma na, nu rehati ne theome filoni thinigna mae Jisas.

Luku 24:34

Mare ne cheke eghu fari thedi, “Tuani fara, noda Lord na kela karha fapulohi! Mana neke thakle ka mae Simon.”

Luku 7:12

Kate posa mei mae Jisas rhegna namono na, kaisei jajagha naikno te mala tei ka giugilu na pala ne mei kaisei mae sua nalhaꞌu teke lehe na. Mae sua igne ngala thugna naikno biꞌo te glehe kokoi na. Eghuteuna naiknogna namono tuana ne kafe tei balugna naꞌa.

Luku 7:14

Aonu, mana lao ne habo ka glele na. Hatimare mae teke pala re ne kegra snoto. Mae Jisas ne cheke eghu ka masitei na, “Mae majaghani! Te chekeni iara ka iagho na, ‘Ke karha fapulo sagho!’ ”

Luku 8:52

Naikno te au ka suga tuana ne kafe tanhi balu diꞌanagnafa, naugna sua gaꞌase na la lehehi. Nu mae Jisas ne cheke eghu, “Thosei tanhi. Naꞌa theome lehe, nu naꞌa thuru au kolho!”

Jone 11:2

Meri gne thau teke totofa sedi tifa ka ghahegna mae Jisas na ia. Naꞌa neke famomoja ka khaklagna thegna te brahure.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Jone 20:13

Phia engel igre ne cheke eghu ka Meri, “Naikno biꞌo, tanhi unha sagho ia?” Naꞌa ne cheke eghu, “Rehati ne atha fadelei thinigna nogu Lord iara na. Nu iara theome laseni aheva te tei lilisei rehati na.”

Jone 20:15

Mae Jisas ne cheke eghu ka naꞌa, “Naikno biꞌo, tanhi unha sagho ia? Mae ihei site harini iagho gnea?” Meri gaoghathogna na ne kaisei mae greireghi nagare eghu. Aonu naꞌa ne cheke eghu ka mana, “Mae biꞌo, neke iagho nga teke atha fadelei thinigna nogu Lord na nu, ke falalase iagho aheva teke tei liliseini mana iagho na eghu, mala ke tei athani mana iara.”

Jone 4:1

Hatimare mae Farasi ne nomhini eigna mae Jisas te faꞌapublahi kmana naikno ke tulaogna mae Jone Apublahi te mala leghuni mana na.

Jone 6:23

Aonu, keha molare ne mei funudi Taebirias. Mare mei ne longa ka vido aheva mae Jisas teke cheke fakelini ka God u gano teke ghamu naiknora.

Ululahu Korin 7:30

Eghuteuna iheire te diꞌanagnafa ka nauthoglu igne ra, mala au jateula iheire te gleale'a fara ra eghu. Iheire te gleale'a fara ra, mala au jateula ihei te diꞌanagnafa eghu. Eghuteuna iheire te dedei ka nauthoglu igne ra, mare mala au jateula ihei te kuma eghu eigna iheire te dedei ka nauthoglu igne ra mare na theome edi glepo igre tifa tifa. Tutuani, tahati te gnafa na mala snagla gaoghathodare mala loku ranghini Lord. Naugna nauthoglu te filoni tahati gognaro gne, la namo sala'u arihi.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.