Luku 6:7 - Buka Blahi Ka Cheke Holo

⁷ Hatimare mae velepuhigna vetula nogna mae Moses nei hatimare mae Farasi eghu ne fiofilo neu ka mae Jisas, glahula fakeli naikno mana kau narane Sabat. Naugna mare magnahaghei te filoni mana te eni unha te jafra ka nogna vetula mae Moses na, mala tangomana mare te fathoethokeni mana na.

Luku 6:7 Iomraidhean Croise

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Profet Isaia 29:21

Ihei te cheke chaghidi keha naiknore ka fate, nei iheire te chaghi te mala lus ihei te doglo ka fate na, Lord jaola ginauna paradi fara mare.

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Matiu 5:39

Nu te chekeni iara ka ghotilo na, thosei tughu fapulo unha teke eni fadiꞌa ranghi nigho mae kheramu fofodu na. Nu mae ihei te famamaja nigho te mei te taponi keha phile bakomu na, iagho ke figri lao keha bakomu na mala ke tathapo mana.

Nonomho Te Keli Teke Risoi Mae Mak 3:2

Aonu keha naiknore magnahagheni te fathoethokeni mae Jisas. Mare ne thono filo leghuni mana glahula me fakelini mana mae te lehe khamegna na kau narane Sabat.

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Luku 20:20

Naugna igne, mare ne ofoni thofno narane te mala lokini mana na. Aonu mare ne folidi keha mae mala chaghi nei ghusna keha gusna, nei saosagroni mana eghu mala tangomana mare te snakre laoni mae Jisas ka nogna nolaghi mae gavana.

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.