Luku 6:48 - Buka Blahi Ka Cheke Holo

⁴⁸ Mae tuana jateula ngau kaisei mae te hohoro suga ia eghu. Mana dokha tei pari fara ne babana nogna suga na ke kligna thina. Aonu kate soru nakhete na, eghuteuna mei neu nabritha mala fariuriu paꞌe soruni suga tuana teuna. Nu nabritha na ginauna na theome tangomana te paꞌe soruni suga tuana, naugna suga tuana ne babana fakeli ke kligna thina.

Luku 6:48 Iomraidhean Croise

Fapea Samuel 22:2

“Lord na nogu Thina rheta mala poru iara. Mana neke fakarhi ghau iara.

Fapea Samuel 22:32

Lord ngala God te tutuani na! Theo kaisei Thina jateula mana teuna.

Fapea Samuel 22:47

“Lord, iagho karha fabrahu tifa tifa! Ghehati cheke fakeli nigho, naugna iagho nomi Thina rheta ghehati! Nafnaknomu iagho na haghe fara! Iagho ngala te fakarhi ghau iara na!

Fapea Samuel 22:5

Nogna nolaghi glehe na mei falithui ghauhi iara, jateula galo te poha ke klignagu, nei pili tafri ghau mala goigoni ghau iara.

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Nodi Khoje Hatimare Mae Jiu 32:6

Eghume nou naikno iagho re jame te keli na mare tore ka iagho ka vido te thoke mei puhi biꞌo na. Eghuteuna jame te jateula nabritha teu te mei tadi puhi te biꞌo na, puhi biꞌo igne ginauna theome tangomana te tapla faparidi naikno tuare na.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 95:1

Mei ghotilo, mala kilo fnaknoni tahati Lord! Uve, mei ghotilo mala koje tahati balu gleꞌa, naugna mana ngala noda vido keli tahati na.

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Profet Isaia 26:4

Tahati mala rouronu ka Lord fabrahu, naugna Lord na jateula noda Thina rheta mala poru eghu tahati, eghuteuna mana ginauna au fabrahu tifa tifa.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Profet Isaia 59:19

Lord ginauna mei jateula kaisei nabritha biꞌo ka narane te saeklon ra eghu funu ke maghati tei posa ke mosu. Eghuteuna naikno te gnafare ginauna ghatho tahuni nogna nafnakno nei nogna nolaghi biꞌo teu mana na.

Profet Nahum 1:8

Nu mana ginauna mei jateula goighovi eghu mala goigonini namono biꞌo Ninive baludi naoka te au ke lamnagna. Uve, mana ginauna falehedi iheire te theome leghuni manare.

Luku 6:47

Mae ihei te mei ka iara na, eghuteuna nomhidi chekegu iara re, nei leghuidi teuna, iara na falase arini ka ghotilo unha nafnata naikno mae tuana.

Luku 6:49

Nu mae ihei te nomhidi chekegu iara re, nu theome leghudi teuna, mana jateula ngau kaisei mae te theome dokha te tei pari fara te babana nogna suga na ia eghu. Aonu kate soru nakhete na eghuteuna mei neu nabritha na ka suga tuana, suga tuana na ghosei grofo. Eghuteuna suga tuana ginauna phaꞌe dofini kolho.”

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 32:18

Ghotilo tei kokoni God mae ihei teke vuavuha ghami nei nomi vido keli mala poru ghotilo. Mana neke tusu ranghi ghami nakarha. Mana tusu ari nakarha ka ghotilo, nu ghotilo ghatho ihoni mana.

Diutronomi 32:31

Nomi naoka ghotilo are laseniu te nodi god naikno tuare theo nodi nolaghi te jateula nolaghi te au ka iara igne teuna.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.