Luku 6:41 - Buka Blahi Ka Cheke Holo

⁴¹ “Naugna unha sagho te au gaoghathomu ka nakhibo ikoi te eni mae kheramu fofodu na, eghuteuna theome filo glani nakhibo biꞌo au teu ka themu ana ia?

Luku 6:41 Iomraidhean Croise

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Ululahu Kronikols 21:6

Nu naugna mae Joab gne theome magnahaghedi nogna cheke mae king te edi ka mana igre, mana ne theome kahadi vikegna mae Livae nei vikegna mae Benjamin.

Nodi Khoje Hatimare Mae Jiu 36:2

Naugna mana kaisei mae lase fahaehaghe fara ka gaoghathogna na e cheke eghu, “Iara kaisei mae keli fara. God na theome tangomana te lasedi puhi te diꞌa te edi iara re, eghuteuna mana theome tangomana nate fate ghau iara na.”

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Profet Esikiel 18:28

Naugna mana ne filo glanidi nakhibogna re, eghuteuna mana tirognani puhi te diꞌa na, eghuteuna mana ginauna theome lehe.

Matiu 7:1

Mae Jisas ne cheke eghu, “Thosei fateni ihei, na eghunu ke fate ghami God eghu.

Nonomho Te Keli Teke Risoi Mae Mak 8:7

Mare jaola au keha sasa ikodi. Mae Jisas ne cheke fakelidi ka God, ne tusu lao ka nogna mae fanomhore mala tufa mare ka naiknore.

Luku 6:40

Jaola, mae ihei te sikolu teuna, mana theome tangomana te uluni nogna mae velepuhi na. Nu kate sikolu te lalase mana na ame tangomana nga mana te jateula nogna mae velepuhi na teuna.

Luku 6:42

Iagho theome tangomana te cheke eghu ka mae kheramu fofodu na, ‘Ghema, lisa mei sagho ka iara, mala hata fadelei iara nakhibo ikoi te au ka iagho ana.’ Nu iagho theome kulu hata koko ghu nakhibo biꞌo te au teu ka themu ana teuna. Iagho kaisei mae chaichaghi! Kulu hata koko ghu sagho nakhibo biꞌo te au ka themu ana, ame tangomana nga iagho te magnahaghei te hata fadelei nakhibo ikoi te eni mae kheramu fofodu ana eghu!”

Jone 8:7

Mare magnahaghei keha cheke tughu ka mana ne ghusna fabrahu. Mana gnokro fadoglo haghe ne cheke eghu ka mare, “Mae ihei ka ghotilo te theome eni kaisei najafra na, kulu atha kaisei thina mala fadi faleheni naꞌa.”

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Jemes 1:24

Eghuteuna ke leghugna te filoni naungogna thegna na, mana na tei delei, eghuteuna na ghosei ghatho ihoni unha teke filoni mana na.