Luku 6:23 - Buka Blahi Ka Cheke Holo

²³ “Ka narane tuana ghotilo gleale'a balu ragi. Naugna God ginauna na taba fabiꞌo ghami ghotilo kligna. Mae kmadire neke eghu dila nogna mae profet God tifa na jateula te eni ka ghotilo gne neku.

Luku 6:23 Iomraidhean Croise

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Ululahu Kings 19:14

Mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho fara ne loku ranghi nigho. Nu naiknodi Israel igre tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Ululahu Kings 19:2

Aonu Kuin ne fatei cheke igne ka mae Elija, “Iara ginauna falehe nigho iagho jateula teke falehedi iagho nogna profet Baal ra eghu. Nathuꞌu jateula gognarogne teuna, iagho ginauna lehe. Jame te theome eni iara igne na, god tuare tangomana te falehe ghau iara na.”

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Fapea Kings 6:31

Aonu mana ne cheke faheta eghu balu diꞌatagna, “Gognarona, jame te theome khusu iara phaꞌugna mae profet Elisa thugna mae Safat igne, iara toreni God mala falehe ghau iara!”

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Profet Isaia 35:6

Naikno te lehe ghahedi ra, ginauna nake ghasa jateula deer eghu. Eghuteuna iheire te iho cheke ra, ginauna na glealeꞌa nake eha fabiꞌo. Glokha nei khoꞌu biꞌo teura ginauna loloro ke lamna namono nagou.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Luku 1:41

Kate nomhini Elisabet chekegna Meri na, sua te au ka thi'agna na ne kaplo. Eghuteuna ka vido tuana mae Tharunga te Blahi na ne soru mei ka Elisabet.

Luku 1:44

Kate nomhini iara naoglamu iagho na, sua te au ka thi'agu iara na ne ghosei ne kaplo, naugna ne gleale'a fara.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Mae Khuru 14:10

Aonu mae Pol ne eha fabiꞌo ka mana ne cheke eghu, “Ghema, kegra haghe ka phei ghahemu are!” Mana ghosei ne ghasa haghe ne nonolo tafri.

Mae Khuru 3:8

Mana ghasa haghe ka phei ghahegnare, ne funu nonolo tafri. Mana ruma baludi phiamare ka Sugablahi na ne nonolo tafri balu ghasa nei kilo fnaknoni God.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Letas Teke Riso Tei Mae Pol Ka Khiloau Rom 5:3

Eghuteuna tahati jaola gleale'a kate au ke lamnadi hoholo te kmana igre, naugna tahati lasedi hoholo igre togho ghita mala au heta tahati.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Ululahu Pita 4:13

Nu ghotilo gleale'a nomi kolho kate au papara ka puhi igne, naugna mae Kraes na jaola neke au papara. Eghuteuna ghotilo ginauna jaola na gleale'a fara kate filoni mae Kraes te thakle mei balu nolaghi nei nafnakno.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Thakle 2:26

Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Thakle 21:7

Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’