Luku 6:22 - Buka Blahi Ka Cheke Holo

²² Ghotilo te susuku ghami, lalama ghami, cheke fapari ghami ba cheke fadiꞌadi nanghamire teu keha naikno ra naugna ghotilo nogu iara, mae teke mei funu ka God gne, ghotilo tangomana te gleale'a na.

Luku 6:22 Iomraidhean Croise

Profet Isaia 65:5

Aonu ghotilo cheke eghu ka keha naiknore, ‘Ghotilo thosei mei namo ka ghehati, naugna ghehati gne thono blahi fara!’ Iara theome magnahagheni nafnata puhi te eni ghotilo igne. Uve, diꞌatagu iara ka ghotilo na thono brana fara jateula khaꞌaghi te theome lehe ia eghu!

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Matiu 10:39

Nu ihei te magnahaghei loku famaku karhagna thegna na, mana ginauna theome ludeni thofno nakarha na. Nu ihei te snakreni karhagna na ka iara na, mana ginauna ludeni thofno nakarha na.”

Luku 20:15

Eghuteuna mare ne hata fajiflani mana ke kosi nagare, ne faleheni mana. “Eghume, unha glepo nate eni mae khotogna nagare na?

Luku 21:17

Eghuteuna naikno te gnafa gre ginauna tirodi ghami ghotilo, naugna ghotilo ne nogu iara.

Luku 6:21

Ghotilo te rofo gognaro ra, ghotilo tangomana te gleale'a na. Naugna ghotilo ginauna nake bohou. Ghotilo te tanhi gognaro ra, ghotilo tangomana te gleale'a na. Naugna ghotilo ginauna nake maꞌeu.

Jone 12:42

Neubane eghu ngau, kmana mae bi'odi mae Jiu ne fatutuani ni mae Jisas. Nu mare theome falalase ka ihei nga, naugna mare mhaghudi hatimare mae Farasi. Glahu faꞌau kosidi ka suga tharai na.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Jone 17:14

Iara la tusu laohi ka mare nou farirhiu iagho ra. Eghuteuna naiknogna nauthoglu igne theome magnahaghedi mare, naugna mare theome nogna nauthoglu igne, jateula ngau iara gne theome nogna nauthoglu igne.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.

Jone 9:34

Aonu, hatimare diꞌa tadi fara ka mana ne cheke eghu, “Ghema, iagho mae tuana diꞌa fabrahu ngala puhimu na funu karha mei mu! Iagho theome naba te farirhiu ghami ghehati na!” Aonu, hatimare ne faꞌau kosini mana kau suga tharai na.

Mae Khuru 22:22

Naiknore fanomho neu ka mae Pol ne ghilei chekeni mana igne. Aonu naiknore ne funu eha fabiꞌo eghu, “Faleheni! Mae igne theome nabagna te karha!”

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Ululahu Pita 3:14

Nu jame keha naiknore para ghami ghotilo eigna te eni ghotilo unha te doglo na, keli fara, ghotilo keli tami kolho. Eghume ghotilo thosei mhaghudi naikno te para ghami re nei thosei nanga nomi fara eghu ka mare.